MƐBORIMƐ WÉÌTÌ 12:1-4

¹Odɑpɑ̀ɑ̀ nfɔ̃́! Nyɛ̃́ wèè dɑ dɔ̀ɔ̀ o kpɛ́í ɑ dɑpɑ̀ntì miɛkɛ, kɛ̀ yɛwe yɛiyɛ mu nyí tùɔ̀kɛní. Kɛ̀ yɛbie nnɛ́ nɑ kɛ́tuɔkɛní, ɑ yóó yĩ́ yɛ̀ɛ̀ miɛkɛ ɑ tɛ̃́nkɛ í dɔ́ dɛ̀mɑrɛ̀.

²Diyiè nɛ̀ otɑ̃̀nkù nɛ̀ siwɑ̃̀ɑ̃ kɛ̀ dɛ̀ wenniku mu nyí sɔ̀utɛ, kɛ̀ fɛtɑɑfɛ̀ mu nyí ni kɛ dèè kɛ̀ yɛwɛtɛ̀ wɛ̃̀tɛ kɛ sɔ̀utɛ.

³Kɛ̀ bɛcɛ̃bɑ̀rìbɛ̀ kɔ̃̀ntì bo nhɑu dìì yiè mu nyí tùɔ̀kɛ, kɛ̀ bɛwɛ̃díntiebɛ mu nyí pũ̀tínnɛ́, kɛ̀ bɛnɑ̀mbɛ̀ mu nyí yóu bɛmɑ bɛmɑ munɑ̀mmù, kɛ̀ dɛ̀ mu nyí bììtoo wèè sìékɛ́ tɛbòtɛ̀.

⁴Kɛ̀ dihɛì kó dibòrì kó yɛcɑ̀kɛ̀ yɛdɛ́ mu nyí kpetínnɛ́, kɛ cɔ̀nnì mu nyí cĩ̀ɛ̃́kɛ́, kɛ̀ dɛ̀ mu nyí tùɔ̀kɛ tɛnɔ̀tɛ̀ bo kuɔ́ ndɛ̀ kɑ̀ɑ entɛ, kɛ̀ bɛnitipodèmbɛ̀ mu nyí cĩ̀ɛ̃́kɛ́.