8Wèè keù difɔ̃̀tìrì weè duò dì miɛkɛ, wèè pùɔ̀ ndidombìrì fɛwɑ̀ɑ̀fɛ̀ we ndɔmmù.
9Wèè kpɛ́inko yɛtɑ̃́rɛ̀ yɛ̀ we nkɔùrì. Wèè yɑú idɛí ì we nhɛ̃́ũ̀rì.
10Kɛ̀ tɛpĩɛ̃tɛ̀ nɑtimɛ̀ kú, kɑ̀ɑ í tɛ̀ sũ̀ɔ̃́tɛ́ ɑ dò nkɛ́yíɛ́ muwɛ̃rímú mmu, kɑ̀ɑ pĩ́ nnɛ̀ mɛciì mmutɔ̃mmú ɑ cɔ̃ntɛmu.
11Kɛ̀ fɛwɑ̀ɑ̀fɛ̀ diɛ́ nkɛ dɑ dɔntɛ́ kɛ deè ɑ tɛ̃́nkɛ nɛ́ fɛ̀ dìɛ mbɑ nkpɛ́í.
12Mɛciì nyiɛ̀ nnɑ́ɑǹtì ɔ̃ nte kɛ̀ bɛnìtìbɛ̀ nhò dému kɛ̀ kuyɛìnkù kpɛti kù fétìnko.
13Kù ɔ̃ɔ̃ ketɛ́nɛ̀ tiyɛinnɑ́ɑǹtì nti kɛ́dentɛnɛ̀ tinɑ́ɑǹyɛiti.
14Kuyɛìnkù nɑ́ɑǹtì tiì ɔ̃ nsũ, onìtì mɛ nyí yɛ̃́ ò yóó dentɛnɛ̀ tì. We mbo ò nɑ̀kɛ́ tìì yóó ò tùɔ̀kɛní o kṹṹ nkó difɔ̃nkúò?
MƐBORIMƐ WÉÌTÌ 10
MƐBORIMƐ WÉÌTÌ 10:8-14