Luk 1:54-72

⁵⁴Eblaham esa nib faninwal mak isa Gode baabenea Ne amitie ibsa ib molobseli walo unaib isa dohalim biania daaye binabibo genebuo e weng olo funanea Yuda nibo e okok kebob naka unang nibo daabenebo ge baananoa o wengo blimanole

⁵⁶Maliao Lisabeto am ye bekebo bua alimo asumatna blimanoa imin monoa olo bib onsobe.

⁵⁷Lisabeto miine dofanamabo dimo tloa o miine naka ten dofanoa

⁵⁸Gode omhalilanea men ele dobwene kesoa o bibam sel isa eka o meletan isa wenteniba isa seimbiba

⁵⁹amo 8 blimanoa nakaia unanga eli e aalo watlabanomo geniba teniba e niniino aalebe niniin ota imin Sekalaia ge nganabanom genabib otane

⁶⁰e awoko baanoa Yeye. E niniino Yon etabo ge baasoa

⁶¹i baaboniba Ob meletani niniino inamini blimobo geniba

⁶²i Sekalaiae kobom weng baabaniba Keb miine niniino fatnangge nganabanamabebe? gesiba

⁶³e kobom weng baabenea Ibo tomo olutneiba dolanano gesea i tomo olubasiba E niniino Yon etabo ge baa dolasea i bobol tem hekhek fumbiba

⁶⁴Sekalaiae weng olo dolabe dim ota e wengo hebmamsab webianea baanea Gode niniino dobtouleb nea

⁶⁵e bibam seli smiko deibe unoa eka wengo monoa Yudia bib mak bib mako beil bibo onon tlanoa

⁶⁶nakaia unangai wenteniba obianiba Naka ten ele sinanomo fatnamin naka namabene? ge funmonsiobe. Niminbabe, Sume emaye daabanetabe.

⁶⁷Gode Hobe naka ten ele aalebe Sekalaiae bekeba bie kesoa e Gode wengo omkeimanea baanea

⁶⁸Yuda bib sel nibo nib Sume Gode tenea daabenea nib hengmino walubene kesoa nib dimo enino imino mo tam tlamabobabe. Nibo e niniino dobtouleb nomo!

⁶⁹Gode naka sbale dobyebo, e Debite molofeitobo, e nibo hengmino temo biobo dotlanamabebo,

⁷⁰sinanggwano Gode e weng omkeimalin nakai weng olo omya dolaibbuo mema olo bain inanobe.

⁷¹Sinanggwano Gode nib faninwali baabenea Ib wasi naka isa eka nakai ibo mo gobe blibba isa ne ibo i kweiban dimo deibenia dleb unamabibo ge baabenebiobe.

⁷²Sinanggwano e inanea nib faninwali dohalilanea bain wengo baabenea Ne amitie daayemabibo, ne weng olo sino baabeibuo mo dokotnenomobabo ge baabenea