Ruku 1:54-72

⁵⁴Abaraamun má be ana akhá bá ma avábá onté uno síkhá ein baya van béi ovaren me iniyáken bei Isareri nanin banta ayaen mino.”

⁵⁶Máa sen ídaren béi Erisabetin má kanú manaú biyontá baren me afaen bei varufá oren mino.

⁵⁷Erisabetini iyampon kain damú afoká íkan béi afon iyampon kaen mino.

⁵⁸Kaúdákan mana varu ráke nanin banta vá bei kékábá ano Tiyarafenu ma Erisabetin avábá uantein nan iniyáken béin má minó ano amusin en mino.

⁵⁹Amusin urákan dan manápá ifo afápá kanú manaú un kádan damú orivíkan mai iyampon au khaviyan be afóen avavaníden Sekaraiya ne seno van aviran eríkan

⁶⁰be anóe ano, “Ída ino. Ben aví Yoni ne vá teno,” semí.

⁶¹Máa síkan minó ano véin tiamemí, “Ída Yonin bí tetimpin bain mino.”

⁶²Máa siren betí ankan ayampó ana avavé nave iyáken be afóentá mai iyampon avi san inaen mino.

⁶³Inaíkan béi vetí ankan nan mana vompon ma uvaran dóki vare ereno síkan baren meran mairá bompon máa sen uvaremí, “Ma iyampon aví Yoni ino,” sirákan betí ankan anú duren kokhon ineine en mino.

⁶⁴Máan tiyain má Sekaraiya oo saferen baya siyan Tiyarafenu aví daníen mino.

⁶⁵Máan tiyain má beni varu ráke kayo ano mai yaná ma afoká ein ódaren akhokho van uren e siádan Yudiá barafin anufá ma vain barufimpá oreraen mino.

⁶⁶Bafani ákona ano véin má bákan minó nanin banta ano mai vaya iníden anúden orera iyan temí, “Mai iyampon ínaimpá interená inten nafino.”

⁶⁷Mai iyampon afóe Sekaraiyan aúpin Kantá Aunan mano vikavíkan sakhanampa vaya máa sen mino:

⁶⁸“Bafan avisá daní ó tifano. Béi Isareri nanin bantai Ayarafenu ino. Béi ma varará eraven barará nanin banta kama uren ume fintena evaránen avíken mino.

⁶⁹Tetin evaránen tivirano van bei yoran banta Devitini kéká pintena béi mana ákona vanta maman dákó uáden mino.

⁷⁰Pefá ma vei kantasí ukhein sakhanampa vanta kayo oorá ma sikhá einíi en mino.

⁷¹Béi ma siyáken namuro ayan pintena vá tetin ma ará namu usintiyain kéká ayan pintena vá ma evaráné tivirano van ma sikhá ein mi yákó en mino.

⁷²Tetin tináuyan arunan uren aya ukharen mino. Pefá ma manafin kasukhen ban kantasí ukhein baya ma veyantá tikharé ein mai van béi ovaren me inen mino.