Isaias 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Heini he menge lalag mehitenged te Damascus: “Pemineg kew! Kenè en maan inged is Damascus su egkevengkag heini.

²Wazè en ed-ubpà diyà te menge inged diyà te Aroer. Egkehimu zà heini he pepenebtavà te menge langgam, ne wazà ebuǥew kandan.

³Egkengevengkag is binerengbeng he menge inged diyà te Israel, ne egkaawà is kegkemekeǥeǥehem te Damascus. Is egkehitavù diyà te egkesamà he menge tig-Aram egkeiring te nehitavù te menge Israilihanen.” Iyan a, is Nengazen he Mekeǥeǥehem, is migkaǥi kayi.

⁴“Dutun he andew, egkaawè en is gehem te Israel, wey is ketiǥeyunan din, ne egkehimu heini he pubri.

⁵Egkeiring is Israel te pemuleey he is menge pungu zuen midlegtey en te ebpemenraǥun, iring te pemuleey ziyà te Suǥud he Refaim he netevasan.

⁶Deisey zà is egkesamà he menge etew zutun. Egkeiring te kayu he ulibu he mibpenrupù en is menge veǥas din: egkesemaan dà heini te zezuwa etawa tetelu he veǥas diyà te kinepuruan he menge subpang din; ne heepat etawa lelima he veǥas diyà te zuma he menge subpang.” Iyan a, is Nengazen he Megbevayà te Israel, is migkaǥi kayi.

⁷Dutun he andew, edangep en is menge etew ziyà te midlimbag kandan he iyan is Waǥas he Megbevayà te Israel.

⁸Kenè dan en edangep diyà te menge pemuhatà he mibeelan dan dà. Kenè dan en edseǥipaan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà, menge pemuhatà he vineelan dan dà daan.

⁹Dutun he andew egkengevengkag is melig-en he menge inged dan, ne ed-ewaan dan dà heini. Egkeiring heini te menge inged te menge Amunihanen wey menge Hivihanen he mid-ewaan dan hein nekeuma is menge Israilihanen.

¹⁰Egkehitavù heini keniyu te menge tig-Israel, su ǥeinà te midlipatan niw is Megbevayà he menluluwas niw, he iyan batu he egkeendilungan niw. Umbe minsan ebpemula kew pa te meupiya he kelasi te menge pinemula, iring te paras he ebpuun pa ziyà te zuma he lugar,

¹¹minsan pa ke edtuvù heini wey ebpengevukad dutun mismu te andew te kebpemulaa niw zuen, ne wazà beǥas he egkekuwa niw puun kayi, su iyan dà egkekuwa niw is kedlised wey kenà egkeengked he kegkerasey.

¹²Is keǥurub diyà te mahabet he menge etew, iring te deǥurus te zezekelà he menge vaǥel.

¹³Iyan, minsan meǥurub sikandan iring te zezekelà he menge vaǥel, ebpemelaǥuy sikandan emun edewayen dan te Megbevayà. Egkeiring sikandan te ukap diyà te vuvungan he idlayap te keramag, wey reǥami he idlayap te eribpures.

¹⁴Ebpenginggat sikandan te tebek emun mezukilem, piru egkahanew sikandan ke egkepawà. Iyan heini egkehitavù te menge midsurung kenitew wey mid-aǥew te menge azen tew.