Isaias 62

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Tenged te pelanggè ku is Zion, kes inged he Jerusalem, kenà a ebpereremek taman te ebpekeuma is kezeeǥan din duma is ketazeng he iring te edsilà he andew, wey taman te egkaangken din is kelibriyanan din he iring te edsiǥa he sulù.

²Ne sikew is Jerusalem, egkaahà te menge etew ziyà te menge nasyun wey te menge hadì dan is kezeeǥan nu he zuma is ketazeng wey kegkemekeǥeǥehem nu. Ebeǥayan ka te Nengazen te veǥu he ngazan.

³Egkeiring ka te mekempet he kuruna he migewezan te Nengazen he Megbevayè nu.

⁴Kenè ke en egngezanan he “Sinelikwey” etawa “Mekevulungbulung,” kekenà, egngezanan ke en he “Kelipey te Megbevayà” etawa “Esawa te Megbevayà,” su ingkelipey ka te Nengazen ne iring te mibpees-eseweey kew.

⁵Is midlimbag kenikew, ed-esewaan ke zin iring te betan-en he maama he ebpengesawa te wazè pa mekeremaǥi. Ne iring te igkelipey te maama is ed-esewaan din, igkelipey ka zaan te Megbevayè nu.

⁶He Jerusalem, mibpeventayan ku te menge vantey is menge verengbeng nu, ne kenà sikandan ed-engked te ked-ampù te Nengazen. Sikiyu is ebuyù te tavang te Megbevayà, penigudu kew medhangyù.

⁷Kenè kew engked he edhangyù diyà te kandin he umana zin benguna is Jerusalem ne himuwa zin he egkezeliǥan heini kayi te kelibutan.

⁸Nenangdù is Nengazen he pinaaǥi te gehem din ebeelan din heini. Ke sikandin te, “Kenè ku en ibpekaan is menge trigu niw te menge kuntada niw he lumelengyawè, ne kenè dan en ed-inumen is binu he midheǥuan niw.

⁹Sikiyu is edraǥun te trigu, ne iyan kew ebpekekaan dutun te rinaǥun niw, ne edeliǥen a keniyu. Sikiyu is ebpenrupù te menge paras ne iyan kew ed-inum te wahig dutun diyà te valey ku.”

¹⁰Sikiyu is menge etew ziyà te Jerusalem, gawas kew ziyà te menge pultahan keniyan te inged niw, ne endama niw is egkeveyaan te zuma pa he menge zuma niw. Hiǥewani niw heini; iawè niw is menge vatu, ne ipekayabkayab niw is bendirà he iyan ebpetuus te menge etew ziyà te menge nasyun he ibpelikù en te Nengazen is menge etew zin.

¹¹Pemineg kew! Mibpeuwit is Nengazen kayi he menge lalag diyà te tivuuk he kelibutan: “Kegiyi niw is menge meǥinged diyà te Zion he ebpekeume en is Menluluwas dan, ne zuen din uwiten he suhul.

¹²Egngezanan sikandan te ‘Segradu he menge Etew’ wey ‘Menge Linuwas te Nengazen,’ ne is Jerusalem egngezanan he ‘Ebpengenduyen he Inged’ wey ‘Inged he Wazè en Iselikwey.’ ”