IKUƆ́ NÌÙBƐ̀ 10:1-4

¹Anɔɔ bí Nɑdɑbu nɛ̀ Abiyu kɛ̀ bɛ̀ɛ túótɛ́ bɑ́ wè tɛsɔɔsékɛ́buutɛ kɛ́wɑɑ́ mmuhɑ̃ɑ̃́ nsɔ̃́ntíkɛ kɔ̃mu, ikuɔ́ yetɛ mù kɛ́tuɔ ntihúúntì ti Yiɛ̀ nKuyie.

²Kɛ̀ muhɑ̃ɑ̃́ nyɛ̀nní ikuɔ́ nɛntì kó kufɑ̃́ɑ̃́ nkó dibòrì kɛ́ bɛ̀ cɔ̀útɛ́ kɛ̀ bɛ̀ɛ kú ti Yiɛ̀ nKuyie ntɑummɛ̀ tou ììkɛ̀.

³Kɛ̀ Mɔyiisii nɑ́kɛ́ Anɔɔ kɛ dɔ̀: Ti Yiɛ̀ nKuyie ndo ti nnɑ́ɑ́ kù tu dìì mɔ̀nnì bɛ̀ɛ̀ kù tɔ̀kɛ́nɛ̀ kù bo bɛ̀ bɛnkɛ kù dòmmɛ̀ pɑ́í pɑ́í, kɛ̀ Isidɑyɛɛribɛ bɛmɔu nkù dɛ̀úkùnko. Kɛ̀ Anɔɔ ndò nkɑ́rɛ́.

⁴Mɛm̀mɛ kɛ̀ Mɔyiisii yú Anɔɔ cicɛ nɑntɛ̀ Usiyɛɛdi bí Mikɑyɛɛdi nɛ̀ Edisɑfɑ̃ɑ̃ kɛ́ bɛ̀ nɑ̀kɛ́ kɛ dɔ̀: Kɔtɛnɛ̀ kɛ́túótɛ́ di cicɛ nɑntɛ̀ bí ìì ku kɛ duɔ́ mɛtɑummɛ̀ tou bòrìnùù, kɛ́dennɛ Isidɑyɛɛribɛ kɑrì.