Taha Bapare Sâcmutâc 10:1-4

¹Aroŋ ŋokâ jahec‐ticne Nadaba â Abihu jahe hosâc âsu ririkere ʒocrâqâc rorâ ʒoc ʒakicne â hosâc âsure wâcwiac râepic. Erâ Wofuŋzi mi mutâcne‐jacteha ere maio ʒoc furune rikepire gâpârewec.

²Iŋuc epire Wofuŋte ʒocbâruŋzi fuarâ mai‐ticnao ʒâhâmoc‐jofawec.

³Iŋuc fuame Mosezi Aroŋ ʒiŋuc âzâcnewec: “Wofuŋzi dâŋ ʒiŋuc muwec irec fârine fuakac hâcne: ‘Norao qohotahuc jueŋgopieŋ jaŋerao tiri juju‐nanere fuŋne bataniŋkepe ŋic ŋokac jaŋerao huriri qâreŋ‐nane fua taniŋkezejec.’” Iŋuc mume Aroŋ e mâc fâsâerâ domawec.

⁴Eme Mose e Aroŋ wawa‐ticne Uʒiele ŋokâ jahecne Misae â Elizafaŋ jahe wira‐jacterâ ʒiŋuc jasawec: “Ŋohe âgo jahec‐ŋekic jahere qâŋɋâŋ tiri bozeonec hae râpeo reŋjofa hunic.”