1A Warkurai anun o Moses i elar kut nama malalarin a kum wakak na utna ra numur in nanpat, awu sur det a kum utna mulus. I mo ra, a Warkurai anun o Moses ra i watungi lena det in ser etabor una kum kilalo rop, ken utokodos lar pas a taro ra det wan milau o God sur det in lotu toromi.
2Ra gunuk in utokodos det, ka det in pitari mo a kum etabor. Uni a kum etabor ra, in gos talapor pas a kum tene lotu ara dino kut, ma a nuknukin det ken takun det melet mo una nundet a kum sakino petutna.
3Ikut, ra det etabor, det nuk melet pas anundet a kum sakino petutna una kum kilalo rop.
4Uni a gapin a kum bulumakau ma a kum meme ka det pet lar pasi sur det in unus ru a kum sakino petutna.
5I mo ra o Karisito i wanpat urin una rakrakon bual ra i watungi torom o God lena, “A kum etabor, ra ka di tuni, ma a kum etabor ra di ser tuni ko nemi, ikut u sa waninar a pining sur an etabor nami torom ui.
6A kum etabor ra di tun rop ru i, ma a kum etabor kai una sakino petutna ko gas nami.
7Ra a watungi lena, ‘God, tama i, a sa wanpat, sur an pam sot pas anum a nemnem, elar nami ra di sa tumus tari un iau una num a buk.’”
8A mugano wasiso anun o Karisito i lena, “A kum etabor ra ka di tuni ma a kum etabor ra di ser tuni, ma a kum etabor di tun rop ru i ma a kum etabor una sakino petutna ko nemi, ma ko gas nam det.” Ikut a kum etabor ri, di pitar tari elar nama Warkurai anun o Moses.
9Numur o Karisito i watungi lena, “Tama i, a sa wanpat sur an pam sot pas anum a nemnem.” I sa rakon ru a kum mugano etabor sur in utur dekdek a manru na etabor.
10O Iesu Karisito i mur sot pas a nemnem anun o God ra i pitar tar a pinino ut, sur a etabor torom o God. I pitar tari ara dino kut ma ken pam meleti mo. Ra anun a etabor ra i gos talapor pas dat umatan o God.
11A kum bung rop a kum tene etabor rop det tur ma det pam anundet a pinapam na lotu, ra det ser tun a kum takano etabor kut torom o God. Ikut, a kum etabor ri, ka det unus lar pas a kum sakino petutna.
12Ikut o Karisito, anundat a mugumugu na tene etabor i pitar tari ut sur a etabor torom o God una kum sakino petutna anun a taro. Ara dino kut i pami. Anun a pinapam ra in tur tukum, ma ken pam meleti mo. Ra i sa pam tari, i kis taru una papor sot na laman o God.
13Ra uniri kusapat netes i kis langlang a bung ra o God in winim pas anun a kum ebar sur det in kis utuntudu in anun a warkurai.
14Uni, una ra etabor takai kut, i sa utokodos tukum pas a taro anun o God, det ra i ser gos talapor det.
15Ma a Tokodos na Nion kai i wasiso talapor taru uni torom dat. Anun a mugano wasiso i lena,
16“A Labino i watungi lena: Iri a kunubus ra an pami tomo nam det, una kum bung numur. An ubek tar anung a kum warkurai unin balandet, ma an tumus tari una nuknukin det.”
17Ma i watungi kai lena, “Anundet a kum sakino petutna ma anundet a kum pitarngat una warkurai kan nuk melet pasi mo.”
18Ra o God i sa unus ru a kum sakino petutna ma a kum pitarngat una warkurai, katu etabor melet mo sur in unus ru a kum sakino petutna.
19A kum tistising, o God i sa unus ru anundat a kum sakino petutna, ra dat langolango, ma ka dat in ngara sur dat in ruk una nubual ra i Tabu Sakit, kibino una gapin o Iesu.
20A gapin o Iesu i papos a matok na kisapi ra i wan sur a nilaun, sur dat in muri. A kisapi ra i ruk unin namalu na minabat kutus sur a nubual ra i Tabu Sakit. In namalu ra, a pinin o Iesu ut.
21O Iesu anundat a labino tene etabor torom o God ra i tamtamabat a taro anun o God.
22I mo ra, dat in nan milau o God nama lingmulus unin balandat ma a nurnur mulus, ma a nuknukin dat ra i langolango gusun a kum etakun una kum sakino petutna, uni o Iesu i sa lamir talapor tari nama gapino. Dat in nan milau i nama pinindat ra i sa gos tari nama danim ra i talapor.
23Dat in tur dekdek una nundat a kinkinis langlang nama nurnur sur asau ra o God in pami, ra dat ser wasiso puaso uni. Dat in tur dekdek, ma gong dat wan gisen gusuni, uni o God in pam soti ut asau ra i sa uliliman taru uni.
24Dat in nuknuk sur lako kum kisapi sur dat in wangun etalai a nuknukin dat sur dat in nem a taro ma dat in pam a kum wakak na pinapam.
25Gong dat mana gusun anundat a kum kinkinis tomo una lotu, elar nama ramano taro det ser pami. Dat in uragot etalai dat, ma dat in dekdek uni, uni mot tama i lena a bung na inawan pat anun a Labino i sa milau.
26Ra dat sa tasman mulus a lingmulusino, ikut dat muri ut a nemnem anundat sur dat in pam a sakino petutna, katu etabor melet mo sur in unus ru a kum sakino petutna.
27Dat in kis langlang mukut nama nginara sur a warkurai ra in nanpat, ma a karangop na sungun ra in tun rop ru a kum ebar anun o God.
28Ra lako ru o lako tul detul in mulaot tomo un tu etakun un taio ra i rosumur gusun a Warkurai anun o Moses, ka din marisi, din um doko i.
29Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.
30Uni dat tasman o God, i ra i watungi lena, “Anungi kut a warkurai na minabalu. Iau an mabalu.” Ma i watungi kai lena, “A Labino in warkurai anun a taro.”
31In dekdek doko a nginara anun taio, ra o God ra i laun, in pitar a dekdek na warkurai na minabalu toromi.
32Mot in nuk pas a kum bung numugu ra mot sa los pas a talapor una numot a nilaun, ra di pitar a kum labino mamaut ma a kum ngunungut torom mot, ikut mot tur dekdek ut.
33A ramano kum bung a taro det urongon laulau un mot, ma det ukadik mot umatan a taro. Ma a ramano kum bung kai mot tur tomo nam ara taro ra di pami lenra un det.
34Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.
35I mo ra gong mot wan gisen gusun anumot a dekdek na nurnur, uni in labo sakit anumot a ikul uni.
36Gong a pinimot i ngoro, mot in tur dekdek sur mot in mur a nemnem anun o God, ma numur mot in los pas a kum utna ra i sa uliliman taru uni.
37Uni, milau mukut, “O naro ra in nanpat, in nanpat ut, ma ken balbalon.
38Ikut osi ra i nurnur, an watungi anung a tene tokodos ma in laun. Ma ra in sabut sikot gusun a nurnur, kan gas nami.”
39Ikut dat, awu sur dat tagun det ra det ser sabut sikot gusun a nurnur ra det iru. Dat tagun a taro na nurnur, ra o God i sa ulaun pas dat.
