Text copied!
CopyCompare
BIBOLO DABUŊ - Genesis

Genesis 13

Help us?
Click on verse(s) to share them!
1Ma Abram agêc nê awê tonêŋ waba samob sêwi Aiguptu siŋ sêmu sêja Negeb. Ma Lot gêwiŋ êsêac.
2Abram kêtu ŋac tolêlôm bôc ma silber to goldŋa.
3Ma eŋ kêsêlêŋ-kêsêlêŋ gêmoa Negeb e gêô lasê Betel e gêdêŋ gamêŋ, taŋ gêmuŋgeŋ gê becobo kêsêp, gêc Betel ma Ai ŋasawa naŋ,
4gêdêŋ gamêŋ, taŋ gêboa altar sa. Go Abram awa gêjac Apômtaunê ŋaê aŋga tônê. aŋga tônê.
5Ma Lot, taŋ gêwiŋ Abram naŋ, nê domba to bulimakao sêmoa ma nê becobo sêkô amboac tonaŋgeŋ.
6Ma gamêŋ kêtôm gebe êsêagêc lulugeŋ sêŋgôŋ sêwiŋ tauŋŋa atom, gebe êsêagêcnêŋ waba to bôc taêsam ŋanô gebe sêŋgôŋ sêwiŋ tauŋ tec kêtôm atom.
7Ma Abramnê bôc ŋagejobwaga to Lotnê bôc ŋagejobwaga aweŋsuŋ gêôc ka tau. Gêdêŋ têm tonaŋ lau gamêŋ Kanaan to Perisŋa sêŋgôŋ gamêŋ tonaŋ.
8Go Abram kêsôm gêdêŋ Lot gebe “Biŋ aweŋsuŋ êôc ka tauŋa ênêc aêagêc ŋasawa to agêcnêŋ gejobwaga ŋasawa atom gebe aêagêc ŋam tageŋ.
9Gamêŋ samuc tonec gôlic atom me. Ôsu taôm su aŋga aê. Embe ôkôc gamêŋ gasêŋa, go aê jana anôŋaŋa. Embe ôkôc gamêŋ anôŋa, go aê jana gasêŋaŋa.”
10Ma Lot gêôc mataanô sa ma gêlic bu Jordan ŋagaboaŋ gebe nom ŋalêsi ŋajam kêtôm Apômtaunê kôm tau, kêtôm gamêŋ Aiguptu e gêdêŋ Soar. Gêdêŋ tonaŋ Apômtau geseŋ Sodom to Gomora su atom tageŋ.
11Tec Lot kêjaliŋ bu Jordan ŋagaboaŋ sa kêtu nê gamêŋ ma Lot kêsêlêŋ gêmu gêdêŋ oc kêpiŋa gêja. Gêdêŋ tonaŋ êsêagêc sêwa tauŋ kêkôc.
12Abram gêŋgôŋ gamêŋ Kanaan ma Lot gêŋgôŋ malac gaboaŋŋa ŋasawa ma gêjam bebec e gêdêŋ Sodom.
13Mago lau Sodomŋa lau secanô ma sêgôm gêŋ alôb-alôb gêdêŋ Apômtau.
14Lot kêsu tau su aŋga Abramnê, go Apômtau kêsôm gêdêŋ Abram gebe “Ôc matamanô sa ma ôlic gamêŋ samob, taŋ kêgi aôm auc naŋ, gêmu kêpi go gêmu kêsêp ma gêmu kêsô to gêmu kêsaŋa
15gebe gamêŋ samob tonaŋ, taŋ gôlic naŋ, aê gabe jakêŋ êndêŋ aôm to nêm wakuc êtu amacnêm êndêŋ tôŋgeŋ.
16Aê gabe jaŋgôm nêm wakuc têtu taêsam amboac gaŋac gwêcŋa. Lau embe têtôm gebe sêsa gaŋac gwêcŋa ŋanamba sa, go têtôm gebe sêsa nêm wakucnêŋ namba sa amboac tonaŋgeŋ.
17Ôndi ôsêlêŋ e naôndêŋ gamêŋ ŋamadiŋ makeŋ-makeŋ, gebe aê gabe jakêŋ êndêŋ aôm.”
18Tec Abram gêbuc nê bec sa ma jagêô lasê kamem aŋga Mamre, taŋ kêkô Hebron ŋagala naŋ, ma gê nê bec, go gêboa Apômtaunê altar teŋ sa aŋga tônê.