FƐCANYƐ̀NFƐ̀ 6:7-11

⁷ɑ ɔ̃ ndɑ́ɑ́tí kuyɑ̀ɑ̀kù kɑ̀ɑ bɑɑ̀ dònnɛ̀ yɛtebɛ bɛ̀ tu yɛ̀ nyɛ kèdènɑ́tì, yɛ kó diwɛ́tirì ndi,

⁸Okpɑ̀ɑ̀tì pobɛ̀ bo sikɔusìkuɔ̀ (600) ndi, o pocĩɛ̃̀ nyí do nkɛ́kɑɑ nkɛ́deè,

⁹Bɛmɔu miɛkɛ òmɔù mɑ́ɑ̀ weè tu m pokù, bɑ́ ò í dò nkɛ́sɛi, o yɔ̃fũ̀ɔ̃̀ omɑ́ɑ̀ ndi, kòo yɔ̃ ò yɑ́rí, kɛ̀ bɛsɑpɑ̀mbɛ̀ ò yɑ̀u koò sɑ̃ntí, kòo kpɑ̀ɑ̀tì pobɛ̀ ò dɛ̀úkùnko,

¹⁰wè nsɑpɑ̀ɑ̀ mbo yɛnní kɛ́nwenni miɛ mbotí, we nsɑpɑ̀ɑ̀ ntu yie, nwèè dònnɛ̀ diyennɛ́cɑ̀nnì, kɛ pɛ́ì kɛ dònnɛ̀ otɑ̃̀nkù, kɛ pĩnti kɛ dònnɛ̀ diyiè, kɛ tonnì kɛ dònnɛ̀ bɛhɑ̃ɑ̃pɔ̀mbɛ̀.

¹¹N tɑti nkupúú nku dɛtie ndiɛrɛ̀ borɛ̀ kɛ bo yɑ̀ kɛ̀ nsɑ̀ kòò buɔtí dɛ̀ dipúrì dɛ̀ yìɛ̀ní, kɛ́yɑ̀ kɛ̀ nsɑ̀ kɛ̀ dɛtie mbɛ̀ tu dɛ̀ fínyĩ̀ kɛ̀ dɛ̀ pũ̀ǹtɛ kɛ́yɑ̀ kɛ̀ nsɑ̀ kɛ̀ kèdènɑ́tì kó dɛtie m pòrí.