Danyel (Daniel) 6:6-10

⁶Baing dila dibagu xaitamoxi saing dibala ba, “Xaitamoxi Dairus, ung bagula uwa xai sibuna bunging bungina lo!

⁷Am lipuxim oxatam longgalo am gatuxu oxatama maluxu mana titia baguli. Am urandi xaung lipu oxatam teladi, am gahau haruanga ba ung tongtongia hatuminga tela haring sibuna. Am gabo ba ubala haing lipudi ba sanga mana xaidapdi 30 ding dila disabu mana urana languangam xaung lipu telau te. Ding bagula disabu mana ung ganim. Ne lipu tela yamusia daxanga baguli sanga ba uting mari layondi banggumidingia.

⁸Tauna, xaitamoxi, ubala lipu bungingamdi bu dibung hatumingadi mari xailongia xaung ung yama bu haringia hatumingadi ba, bina bu haing lipudi dinaxu manadi wa. Hatuminga baguli sok bila kira Midia xaung Pesia hatumingaroa, ne sanga ba lipu tela xugia te.”

⁹Baing xaitamoxi Dairus bala lipudi bu dibung hatumingadi saing ina bung yanoa mana xailongga ba.

¹⁰Ne bungina Danyel lungu haruanga mana hatuminga ba, mesa saing ila numania. Saing ila luxu numalung etoama saing gulu kingtoxondi haxek rangua suangia sanga mala Yerusalem. Saing sabu mana Urana ba ina bunging bungina libu ba. Ina bagula sabu luwa hiliana mana xaidap tainina.