Taniel 6:6-10

⁶Iei mine ekewe nöüwis tekia me ekewe kepina ra kiito ren ewe king o üreni, “Amwo äm king Tarius epwe manau tori feilfeilachök.

⁷Äm meinisin mi angang lon mwum, äm ekewe nöüwis tekia me sounemenem, pwal ekewe kepina me souemwen aia tipeeufengen pwe en king kopwe föri eu allük o apwüngala, pwe esap wor eman epwe tüngor och seni eman kot ika aramas lon ükükün ilik rän, pwe repwe chök tüngor senuk en king. Nge iö esap aleasochis ngeni, epwe koturulong lon pwangen laion.

⁸Iei mine äm king, kopwe föri eu allük o saini itom won, pwe esap tongeni siwil usun chök allükün Metia me Persia resap siwil.”

⁹Iei mine ewe king Tarius a saini itan won ewe allük o apwüngala.

¹⁰Iwe, lupwen Taniel a silei pwe ei allük a sain, a feila lon imwan o tötä lon eu rumwen asan, ia a wor ie eu asammwacho mi sap ngeni Jerusalem. Ikenan Taniel a fotopwäsuk, a iotek o kilisou ngeni an we Kot fän ülüngat lon ewe rän, usun mine a piin föföri me mwan.