Text copied!
CopyCompare
Buk Baibel long Tok Pisin - Buk Song

Buk Song 24

Help us?
Click on verse(s) to share them!
1Devit i raitim dispela song. Dispela graun wantaim olgeta samting i stap long en, em olgeta i bilong Bikpela tasol. Olgeta ples na olgeta manmeri bilong ples, ol tu i bilong em.
2Em i wokim graun antap long ol wara i stap daunbilo tru. Na em i wokim as bilong graun namel long solwara.
3Husat inap i go antap long maunten bilong God? Husat inap i go insait long haus bilong God yet?
4Man i no mekim pasin nogut, na bel bilong en i klin, man i no save lotu long ol giaman god, na man i no tok tru antap bilong giamanim narapela man, kain man olsem em inap.
5God bai i mekim gut long dispela kain man. God bai i kisim bek em na kolim em stretpela man.
6Kain man olsem i save painim God. Em i save go klostu long God bilong Jekop.
7Yupela dua, yupela op. Yupela dua bilong bipo tru, yupela op bikpela, bai nambawan king i ken i go insait.
8Nambawan king, em husat? Em God wanpela tasol. Em i gat bikpela strong tru, na i save win long ol pait.
9Yupela dua, yupela op. Yupela dua bilong bipo tru, yupela op bikpela, bai nambawan king i ken i go insait.
10Nambawan king, em husat? Em dispela God i save bosim bikpela lain ami. Em wanpela tasol em i nambawan king.