4. Mojžišoskero 19:2-6

²“Kada hin o zakonos, so prikazinďa o RAJ: Phen le Izraelitenge, hoj tuke te anen ľoľa gurumňa, savi hiňi bijal e chiba a sava mek šoha na sas pre meň o jarmo.

³Paľis ola gurumňa dena le rašaske Eleazaroske, ľigenela pes la avri pal o taboris a angle leste la murdarena.

⁴Paľis o Eleazar peske močinela o angušt andre lakero rat a kropinela eftavar visardo ko Sentno Stanos.

⁵La gurumňa paľis angle leste zlabarena. Zlabarena lakeri cipa, o mas, o rat the savoro andral lakero per.

⁶Paľis lela o cedroskero kašt, o izopos the e ľoľi vlna a čhivela oda pre gurumňi, sar labol.