SALMO 4

1

2

3

4

5

6

7

8

10

11

19

23

27

34

37

46

51

53

55

61

73

100

104

119

121

133

139

¹A, Tata Dios, kanmi allita amachawanki. Chayrayku kanta roygaptini yanapaway. Sukaman llakiptini kanmi kushichiwanki. Chayrayku roygaptini llakichiwashpa uyariway.

²Kankuna, chikniwak runakuna, ¿aykapikamantí llullakushpa chatawankichi? ¿Aykapikamantí mana kuskata yuyashpa llullakuyllata munankichi?

³Allita yachaychi Tata Dios payllata kasushpa kawsak runakunallata yanapananta. Allita yuyaychi ñuka Tata Diosta roygaptini yanapawananta.

⁴Chayta yachashpa manchakushpa chukchukuychi amana ashwanta uchallikunaykichipa. Sirishpaykichi kasillayashpa mana alli rurashkaykichita yuyaychi.

⁵Chayta yuyashpa tukuy shunku Tata Diosta kuyashpa animalkunata altarpi wañuchiychi. Allita yachaychi amachashunaykichita.

⁶Aypa runakuna rimansapa: Manami ni pi ñukanchikunata kushichiwanayanchisapachu. Chashna rimaptinkunapish kan, Tata Dios, ñukaykunata llakichiwaysapa.

⁷Aypa mikunayuk aypa upyanayuk runakuna sukaman kushikunsapa. Kan, Tata Dios, paykunamanta ashwanta kushichiwashkanki.

⁸Kan kuydawaptiki mana manchakushpa sirishpayni kunanlla gustu puñuni.