1दाऊद आ कुम्सो। परमप्रभु यावे, आं पुंइशो लोव़ नेनीन। “गो शिशी तङल” दे इन दाक्शा मप्रोंइतीकेमी आं पुंइशो लोव़ नेनीन। मिनु इन ठीक पतीकेमी आं लोव़ लेत्तीनी।
2मिनु इन गेय पाइब कली निसाफ पा दोस मगेने। मारदे हना ब्रोंइशोपुकी इन ङोंइती ठीक पाइब सुइ मबाक्नीम। भजन संग्रह १३०:३; अय्युब ९:२; रोमी ३:२०
3आं जोरी सत्रुमी आं कली खेदा पतीमी। आं कली खपीम खोल्शा, साइक्चा चिक्ताक्यीमी। मेकोपुकीमी आं कली बेक्शो मुर आन बाक्तीकेम खोदेंशो पा छिङछिङम बाक्पाइक्तीमी।
4मोपतीके आं थुं लुक्च लत। मिनु गो वाम ग्याम दुम्ती।
5गो साइ ङोंइती ङा नाक्त मिम्नुङ। मिनु इन गेय नेल्ल मिम्ना मिम्न बाक्नुङ। इन गुइम पशो नेल्ल मिम्नुङ। भजन संग्रह ७७:६
6गो आं गुइ इन गे दिंनुङ। मिनु कोक्त रूमी ब्वाक्कु माल्शो खोदेंशो पा, आं थुंमी इन कली माल्ब।ठेयब सेंदा पा।भजन संग्रह ४२:२-३
7परमप्रभु यावे, गे आं कली रीब पा लोव़ लेत्तीनी। आं थुं लुक्च लशो बाक्ब। इन कुल आं क्येङा मख्रुइक्तीन। मो दुम्त हना, गो बेक्शो मुर आन बाक्तीक लाइब मुर खोदेंशो दुम्नुङ।
8आं कली सुनी इन गेना हना यो दाक्तीके आ पर्बम नेंपाइय्यीनी। मारदे हना गो इन कली थमा सुइक्नुङ। गो तेको लां गाक्चा माल्नुङा, मेको आं कली शेंदीनी। गो इन लां कोव़शा बाक्नुङ।
9परमप्रभु यावे, गे आं कली आं जोरी सत्रु रे प्रोंइयीनी। मारदे हना गो इन बाक्तीकेमी ख्रुइक्थ जाक्नुङ।
10आं कली इन दाक्शो पचा कली शेंदीनी। मारदे हना गे आं परमप्रभु बाक्नीनी। इन रिम्शो सोक्तीम आं कली ठीक लांम गाक्पाइय्यीनी।
11परमप्रभु यावे, इन नें आ पर्बम आं कली ब्रोंइचा गेयीनी। इन निसाफ पतीकेमी आं कली श्येत रे प्रोंइयीनी।
भजन संग्रह 143
भजन संग्रह 143:1-11