1بَبِلْن مَنفّ نٍبُكَدَنسَرِ تٌ فّ يُدَيَ مَنفّ يٍهٌيَكِنِ، يٍهٌيَكِمِ شَ دِ، عَ شَ كُنتِفِيٍ، يُدَيَ كَمُدّرِيٍ نُن شَبُييٍ شَنِندٍ كٌنيِيَ كُي بَبِلْن بْشِ مَ، عَلَتَلَ نَشَ لَامَتُنيِ ندٍ مَسٍن ﭑ بّ. ثَانِ قِرِن نُ نَ عَلَتَلَ شَ هْرْ مْبَنشِ يَ رَ. عٍ نُ رَقٍشِ شْرّيٍ رَ.
2شْرّ بٌفِ قَنيِيٍ، نَشٍيٍ لُشِ عَلْ شْرّ بٌفِ بَ سِنفٍيٍ، عٍ نُ سَشِ ثَانِ كٍرٍن كُي. شْرّ بٌفِ حَاشِيٍ، نَشٍيٍ كَنَشِ، نٍيٍ قَن نُ سَشِ ثَانِ بٌورٍ كُي.
3عَلَتَلَ نَشَ عَ مَسٍن ﭑ بّ، «عَننَبِ يٍرٍ مِ، عِ مُنسٍ تٌشِ؟» ﭑ نَشَ عَ يَابِ، «ﭑ شْرّيٍ نَن تٌشِ. ندٍيٍ قَن هَن، ندٍيٍ قَن كَنَشِ. شْرّ نَشٍيٍ كَنَشِ، عٍ مُ نْمَ دٌندٍ.»
4عَلَتَلَ نَشَ يِ مَسٍنيِ تِ ﭑ بّ،
5«عِسِرَيِلَ مَرِفِ عَلَتَلَ شَ مَسٍنيِ نَن يَ؛ عِ شْرّ بٌفِ قَنيِيٍ تٌشِ كِ نَشّ، ﭑ تَن قَن عِسِرَيِلَكَيٍ تٌشِ نَ كِ نّ، نَشٍيٍ شَنِنشِ كٌنيِيَ كُي بَبِلْن بْشِ مَ.
6ﭑ نَن ﭑ حّنفِ سَمَ نّ عٍ شْن مَ عَ قَنيِ رَ. ﭑ عٍ رَفبِلٍنمَ نّ يِ بْشِ مَ، ﭑ عٍ شَ قٍ سْونّيَمَ نّ. ﭑ مُ عٍ هَلَكِمَ سْنْن.
7ﭑ شَشِلِ قَنيِ قِمَ نّ عٍ مَ عَلَكٌ عٍ شَ عَ كٌلٌن ﭑ تَن نَن نَ عَلَتَلَ رَ. شَ عٍ يّتّ رَفبِلٍن ﭑ مَ عٍ بْحّ بِرِن نَ، عٍ تَن نَن قِندِ مَ ﭑ مَ حَمَ رَ، ﭑ تَن قَن قِندِ عٍ مَرِفِ عَلَ رَ.»
8عَلَتَلَ نَشَ عَ مَسٍن، «يِ شْرّ بٌفِ حَاشِ نَشٍيٍ مُ دٌنمَ، عٍ مِسَالِشِ يُدَيَ مَنفّ سٍدٍكِيَ نُن عَ شَ كُنتِفِيٍ نَن نَ، عَ نُن دَرِ سَلَمُكَيٍ نَشٍيٍ بِرِن لُشِ يِ بْشِ مَ، نُن نَشٍيٍ سَبَتِشِ مِسِرَ بْشِ مَ.
9ﭑ عٍ قِندِ مَ حَمَ شْنشِ نَن نَ دُنِحَ بِرِن. عٍ لُمَ يَافِ كُي. مِشِ يٌمَ نّ عٍ مَ، عٍ عٍ دَنكَ يِرٍ بِرِن ﭑ عٍ شَنِنمَ دّننَشّ.
10ﭑ عٍ رَحْنمَ نّ سَنتِدّفّمَ، كَامّ، نُن قُرٍ حَاشِ رَ. عٍ مُ لُمَ يِ بْشِ مَ، ﭑ دّننَشّ قِشِ عٍ نُن عٍ بَبَيٍ مَ.»
