تَرُشُي 24:15-26

¹⁵ﭑ لَشِ عَلَ شَ مَسٍنيِ رَ نَشَن مَسٍنشِ عَ تِنشِنتْييٍ نُن تِنشِنتَرٍ بِرِن قَمَ نّ كٍلِدٍ قَشّ مَ. يُوِقِيٍ قَن لَشِ نَ رَ.

¹⁶نَ نَن عَ تٌشِ ﭑ نَن ﭑ يّتّ كَرَشَنمَ عَلَكٌ ﭑ شَ ﭑ مَ سِمَيَ رَدَنفِ بْحّ قِيشّ كُي عَلَ نُن مِشِيٍ تَفِ.

¹⁷ﭑ مُ نُ نَ بٍ حّ وُيَشِ بُن مَ، كْنْ يَكْسِ ﭑ قَشِ هَرِفٍ ندٍ رَ ﭑ بْنسْي بّ. ﭑ قَن قَشِ سّرّشّ بَدٍ عَلَ بّ.

¹⁸عٍ ﭑ لِشِ نَ تّمُي نّ هْرْ مْبَنشِ كُي، ﭑ سّنِيّنشِ، فَلِ مُ نَ ﭑ قْشْ رَ، سْنشْي يٌ قَن مُ كٍلِ ﭑ سَابُي رَ.

¹⁹كْنْ يُوِقِ ندٍ نَشٍيٍ كٍلِ عَسِ بْشِ مَ، عٍ مُ تِن ﭑ مَ قٍ رَ. عٍ تَن شَ عٍ يّتّ مَسٍن عِ بّ، شَ قٍ ندٍ نَ عٍ بّ ﭑ مَ قٍ رَ.

²⁰شَ نَ مُ عَ رَ نَشٍيٍ نَ بٍ، عٍ شَ عَ مَسٍن عِ بّ عٍ ﭑ تٌشِ قٍ حَاشِ نَشَن شُن، ﭑ تٌ سِفَ يُوِقِ كِيتِسَيٍ يِرٍ.

²¹ﭑ وْيّنيِ نَشَن قَلَشِ عٍ تَفِ نَ نَن يَ؛ ‹وٌ ﭑ مَكِيتِمَ نّ تٌ بَرِ مَ ﭑ لَشِ عَ رَ عَلَ قَمَ نّ مِشِ قَشَشِيٍ رَكٍلِدٍ.›»

²²قٍلِسِ نَشَن نُ عِسَ شَ كِرَ كٌلٌن عَ قَنيِ رَ، عَ نَشَ عٍ شَ قٍ سَ سِندٍن. عَ نَشّ، «مَنفّ لِسِيَ نَ قَ، ﭑ وٌ شَ قٍ مَتٌمَ.»

²³عَ نَشَ سْورِ مِشِ كّمّ شُنمَتِ يَمَرِ عَ شَ ثْلُ كَنتَ، عَ نَشَ عَ تْورْ، عَ مَن نَشَ عَ شَ مِشِ يٌ رَتْن قٍ قَنيِ رَبَقٍ رَ عَ بّ.

²⁴شِ ندٍيٍ تٌ دَنفِ، قٍلِسِ نُن عَ شَ فِنّ دِرُ سِلَ، نَشَن نَ يُوِقِ رَ، عٍ نَشَ قَ. قٍلِسِ نَشَ ثْلُ شِلِ كَوَندِ رَبَدٍ عِسَ عَلَ شَ مِشِ سُفَندِشِ شَ قٍ رَ. ثْلُ نَشَ دَنشَنِيَ شَ قٍ قَلَ عٍ بّ عِسَ مَ،

²⁵كْنْ عَ شَ مَسٍنيِ تٌ نُ بِنيَشِ تِنشِنيِ مَ، نُن يّتّ شُرُقٍ مَ، نُن عَلَ شَ كِيتِ نَشَن قَمَ، قٍلِسِ نَشَ فَاشُ. عَ نَشّ، «سِفَ سِندٍن. ﭑ نَ ﭑ يّتّ مَسْتْ تّمُي نَشّ، ﭑ مَن عِ شِلِمَ.»

²⁶عَ مَن نُ وَشِ نّ ثْلُ شَ كْبِرِ قِ عَ مَ. عَ نُ عَ شِلِمَ نَ نَن مَ تّمُي بِرِن، عٍ شَ سَ عٍ بٌرٍ تٌ.