ZĨRINƆ 24:15-26

¹⁵Ma wɛ́ɛ dↄ Ludazi lán aↄ̃pinↄ bà kɛ̀ gbɛ̃ maaanↄ kↄ̃n gbɛ̃ zaaanↄ é fɛɛ bↄna gaan ń píngi.

¹⁶Beee yãnzi mɛɛ̀gↄ̃ ma zĩnda totoo gurↄ píngi lɛ ma swɛ̃̀ tóngↄ̃ vĩi Luda aɛ ke gbɛ̃ntee aɛro.

¹⁷Ma wɛ̃̀kɛna kↄ̃n ma bùsuo gbɛra ma ɛara ma su ma ↄ dàḿma ma saa ò

¹⁸Luda ua. Kɛ̀ mɛ́ɛ saa oo ma gbãsĩbↄna gbɛra, ben wà ma le gwe. Mɛ́ɛ gbɛ̃nↄ kákↄ̃aro, yãkete kuuro.

¹⁹Asia bùsu Yuda kenↄn yãdeenↄ ũ. Séde aↄ̃ mↄ́ wà yã bↄ kↄ̃ lɛ́n n kiia.

²⁰Tó lɛnlo, ǹ tó gbɛ̃ kɛ̀ aↄ̃ↄ kú kɛ̀nↄ dà kɛ̀ aↄ̃ↄ èma gurↄↄ kɛ̀ aↄ̃ yãkpaɛ kɛ̀mao o.

²¹Sé yã mɛ̀n doo kɛ̀ má òńnɛ kↄ̃n kòto gbãaao, gɛ̀nↄ fɛɛna yã musun aↄ̃ↄe yãkpaɛ kɛɛmaozi.

²²Felisi Yesu zɛ́ bↄkↄ̃tɛ dↄ̃, ben à lá kà Yudanↄ yãla à bè: Tó sozanↄ gbɛ̃nsi Lisia mↄ̀, mɛ́ a yã mì dɛare.

²³À ò soza bàdeenɛ àgↄ̃ Pↄlu dãkpaa, mↄde à à gba zɛ́ à ĩam pá, à tó à gbɛ̃nↄ à ĩan ká.

²⁴Gurↄ plaaa gbɛra Felisi mↄ̀ kↄ̃n a Yuda naↄ̃ kɛ̀ wè benɛ Durusilao. À Pↄlu sìsi, ben à Kirisi Yesu náanɛkɛna yã màa.

²⁵Pↄlu e yã oo maakɛna musu kↄ̃n zĩndakũnadↄ̃ↄo kↄ̃n yãkpaɛkɛna kɛ̀ èe mↄↄo, ben vĩa Felisi kũ̀ à bè: Ǹ fɛɛ ǹ tá gĩa. Gurↄↄ kɛ̀ ma ↄ lè mɛ́ ɛara mà n sísi.

²⁶À wɛ́ɛ dↄ Pↄluzi kɛ̀ eé ↄdↄnkpɛɛgbaa daaremɛ, ben ègↄ̃ à sisii gɛ̃̀n baaagↄ̃ à mↄ́ fàadi boao.