Yosuwe 5:3-6

³Kɔ Yosuwe ɛmpatɛnɛ səfaka sa masar, k'ɛŋkəŋc aka Yisrayel nde Tɔrɔ ta Cərot.

⁴Ntɛ tɛnasɔŋɛ Yosuwe pəkəŋcɛ ŋa: Ntɛ afum a Yisrayel ŋaŋc-wur Misira mɔ, arkun abeki fəp, aŋɛ ŋaŋc-tam kəsutɛnɛ mɔ anakəŋc ŋa, mba afum akakɔ fəp ŋanafi nde dətɛgbɛrɛ, ntɛ ŋaŋc-kɔt mɔ. Awut arkun aŋɛ anakom oŋ tɛlpəs mɔ, ŋanatɔkəŋc, itɔ Yosuwe ɛnakəŋcɛ ŋa.

⁵Arkun aŋɛ ŋanayɛfɛ Misira mɔ fəp anakəŋc ŋa, mba awut arkun aŋɛ anakom dətɛgbɛrɛ dɔpɔ ntɛ ŋanawur Misira ŋaŋc-kɔt mɔ, anakəŋc fɛ akakɔ ali wəkin.

⁶Aka Yisrayel ŋanakɔt meren wəco maŋkəlɛ dətɛgbɛrɛ, haŋ afum akɔ ŋanatam kəsutɛnɛ ntɛ ŋaŋc-yɛfɛ Misira mɔ ŋalip kəfi dɔpɔ, bawo ŋanacəŋkəl fɛ dim da Kanu Kəpɔŋ. Kanu Kəpɔŋ kənadɛrəm kətɔ-sɔŋɛ ŋa kənəŋk antɔf nŋɛ ŋɛŋgbələr mɛsɛ ma wana kɔ mɛsɛ ma cəme haŋ moc-toŋ, ŋɔkɔ nkɔn Kanu Kəpɔŋ kənadɛrəm kəsɔŋ ka atem aŋan mɔ.