Iosua 5:3-6

³Lakea e Iosua i tubi a voko, i pala a kuline huriki na kupona tara. Ra kupona iea ni gale ‘A Kupona Ni Vapala a Kuli’.

⁴A vuhuna a naro e Iosua i ratea i maea. E huriki a bakovi ri kara ni vaubi na tahuna ri pe e Egipto ri mate lobo pali na dala na tabeke i ngeki.

⁵Na tahuna e huriki a Israel ri pea e Egipto ni pala a kuline huriki a bakovi, pali i uka ma ni pala a kuline huriki a bakovi ni poda na tabeke i ngeki.

⁶E huriki a Israel ri laho viliha na tabeke i ngeki na pida i ravulu va. Na tahuna iea e huriki a bakovi ri kara ni vaubi na tahuna ri pea e Egipto ri mate lobo, a vuhuna ri longotaro a nitane BAKOVI DAGI. I muholi ngi, e BAKOVI DAGI i ta muholi ne huriki a gare, ge habia ne huriki a Israel a malala i vona a maki ni kani. Pali i taki ria tabu ne huriki ri longotaro a ngava, i uka ma ri gi masia a malala iea.