YƐSÃÃ 60:2-8

²kɛ denniní ò do kpɑ̀nnɛ̀mɛ̀ Sidii ɛì kɔbɛ Mɛsopotɑmii ɛì kɔbɛ nɛ̀ Sobɑɑ ɛì kɔbɛ. Kɛ̀ bɛ̀ nkũntiní kɛ̀ Soɑbuu kpɑnnɛ̀ Edomiibɛ kubiriku bɛ̀ tu kù mukɔ́kúɔ́ nkó kubiriku, kɛ́nɑ bɛnìtìbɛ̀ tɛkɔupípíítɛ̀ nɛ̀ sikɔupísìdɛ́ (12000).

³Kuyie nhɑ ti bɔntóomu kɛ pɔ̀ntɛ ti ɑ̃ɑ̃pɔ̀ntĩ̀nnì. Bɑ́ nɛ̀ ɑ miɛkɛ mɛ nyɛ̀nnímɛ̀ wɛ̃tɛ kɛ ti cónnɛ́ ti fɔ̃̀tìrì.

⁴Fɔ̃́ɔ̃̀ sɑ̃̀ntɛ̀ kɛtenkɛ̀ kɛ̀ kɛ̀ pɑ̀ɑ́, wɛ̃tɛ kɛ́mɑ́ú ndɛ kó iyiɛ, kɛ̀ sɑ̃̀ntimu.

⁵Fɔ̃́ɔ̃̀ duɔ́ nkɑ̀ɑ nìtìbɛ̀ yɑ̀ mɛhɑ́ɑ́rìmɛ̀ diɛmɛ̀, fɔ̃́ɔ̃̀ ti nìi mmɛnɑɑ̀ mmɛ̀ɛ̀ firì kɛyììkɛ̀.

⁶Fɔ̃́ɔ̃̀ duɔ́ nhɑ sɑ̀ɑ̀bɛ̀ mɛcɑnnimɛ̀ kɛ̀ bɛ̀ yentɛ́nɛ̀ bɛ̀ɛ̀ tɑ̃ũ ipie.

⁷Kɛ̀ dɛ̀ bo yie nkɑ̀ɑ dɛɛtɛ́ tínti ɑ dɔ́ bɛ̀, yɑ̀ɑ ti dɛɛtɛ́ nɛ̀ ɑ wɛ̃rímú cɔutɛ́ ti bɑ́ɑmmu.

⁸Kuyie mbɛ́immu ku cɛ̃sɑ̀ɑ̀tɛ̀ miɛkɛ kɛ tú kuù yóó bɛ̀ nɑ! Kɛ totí Sisɛmmu ɛì, kɛ́berí Sukɔti biriku.