Buk Song 60:2-8

²Yu bin mekim graun bilong mipela i guria. Yu brukim graun pinis na bikpela hul i kamap. Nau graun i laik bagarap olgeta. Orait yu ken stretim bek gen.

³Yu bin givim planti hevi long mipela ol manmeri bilong yu. I olsem yu givim wain long mipela na mekim mipela i dring. Mipela i dring pinis na mipela i kamap longlong tru.

⁴Yu mas apim wanpela plak, bai ol man i save aninit long yu ol i ken lukim na ranawe long ol birua na kam kamap long dispela plak na i stap gut.

⁵Yu save laikim tru mipela, olsem na harim prea bilong mi, na kisim bek mipela long bikpela strong bilong yu, na bai mipela i ken i stap gut.

⁶God i stap long haus bilong em yet na i tok olsem, “Mi winim pait pinis, olsem na bai mi amamas na tilim graun bilong Sekem na bilong ples daun bilong Sukot long ol manmeri bilong mi.

⁷Gileat wantaim Manase i bilong mi. Efraim i olsem hat kapa bilong mi. Juda i olsem stik king bilong mi.

⁸Tasol kantri Moap em i olsem dis waswas bilong mi, na kantri Idom i olsem ples bilong putim su bilong mi. Na bai mi winim ol Filistia long pait, na bai mi amamas na singaut.”