Yaburina 60:2-8

²Dawuda bɛtini ito nan ba a to Arami kaane yɛngɛ naxanye keli Mesopotamiya yamanan nun Soba yamanani, Yowaba yi xɛtɛ, a Edɔn kaa wuli fu nun firin faxa Fɔxɔ Lanbanni.

³Ala, i bata i mɛ nxu ra, i yi gbalon nakeli nxu ma. I bata xɔlɔ nxu ma. Koni iki, i mɔn xa nxu yitɔn.

⁴I bata bɔxɔn naxuruxurun, a yibɔ. I mɔn xa a tugun a bode ra, a nama xuya ayi.

⁵I bata waxatine raxɔdɔxɔ i ya muxune ma. Nxu dagalanma ayi alo nxu minxin na a ra.

⁶Koni naxanye gaxuxi i yɛɛ ra, i bata taxamasenni te ne xa, naxan e ratangama xalimakunle ma.

⁷I xa i xanuntenne kantan i yi e rakisi i sɛnbɛni. I yi nxɔ maxandin yabi.

⁸Ala bata falan ti a yire sariɲanxini, a naxa, “N nɔɔn tima nɛn, n Siken taani taxun, n yi Sukɔti lanbanna danne sa.