YƐSÃÃ 47:1-8

¹Bɛdèmbɛ̀ kóo kótì dìèmmɛ̀ Kodee bí kó didèntĩ̀nnì kó fɛyɛ̀nfɛ̀.

²Ibotí imɔu, mpɛ́únɛ̀ di nɔu, ńdiènnɛ̀ diwɛ̀ì kɛ sɑ̃ntí Kuyie.

³Ti Yiɛ̀ nKuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ kù duò tikɔ̃m̀bùɔ̀tì nti, kuù tu kɛtenkɛ̀ kɛmɔu kóo kpɑ̀ɑ̀tì diɛwè.

⁴Kuyie nkuù duɔ́ nkɛ̀ ti nɑ ti dootitɔbɛ̀ kuù te kɛ̀ ti nɔ nyɛbotɛ̀.

⁵Kuù ti tɑ̃ɑ̃tɛ́ ti yóó tiekɛ dɛ̀ tínti ku kɔbɛ, ti yɛ̀mmɛ̀ nɑɑtinɛ̀mu ti yóó tiekɛ dɛ̀, tínti Sɑkɔbu yɑɑ̀bí kù dɔ́ bɛ̀.

⁶Kuyie ndèètì Siyɔ̃ɔ̃ nwe kɛ̀ bɛ̀ kù sɑ̃ntí, kɛ eu ditɑ̃tɛheù kɛ̀ kù kèrí.

⁷Nsɑ̃ntínɛ̀ Kuyie! Nsɑ̃ntínɛ̀ ku! Nsɑ̃ntínɛ̀ ti kóo kpɑ̀ɑ̀tì! Nsɑ̃ntínɛ̀ we!

⁸Kuyie nkuù tu kɛtenkɛ̀ kɛmɔu kóo kpɑ̀ɑ̀tì, ńdiènnɛ̀ kɛ kù sɑ̃ntí.