Salmos 47:1-8

¹¡Le capa na'le, le'e, xúgute̱ bénneache! ¡Le güe lá'ana Dios nen dute̱ xel-la' dxebé!

²Dxal-la' zrébedxu Xránadxu, nape̱' dute̱ xel-la' szren. Naque̱' Wenná Bea zren dxenná bé'ene̱' dute̱ xe̱zr la xu.

³Bzue̱' benne' xe̱zr ca' zran ní'adxu. Bzue̱' dxi'u chee̱ nna be'edxu zánete̱ cue' xe̱zr la xu ca'.

⁴Bequé̱'e̱ tu xe̱zr la xu da gaca na chee̱dxu, Da naca tu xe̱zr la xu xrtante̱ chee̱ zri'ine zre sua Jacob, benne' ca' nazrí'ine̱'.

⁵Dxegüén Dios naga dxe'e̱ dxenná be'e̱. Dxelebezre luzu da dxulucuezre̱' gate dxegüén Xránadxu ga na'.

⁶¡Le gul-la da gaca ba Dios! ¡Le gul-la! ¡Le gul-la da gaca ba Wenná Bea chee̱dxu! ¡Le gul-la!

⁷¡Dios naque̱' Wenná Bea dute̱ lu xe̱zr la xu nigá! ¡Le gul-la chee̱' nen dute̱ xel-la' dxéajni'i chee̱le!

⁸Dxe' Dios naga dxenná be'e̱, lu lataj na' naca na lá'azxa. Dxenná bé'ene̱' xúgute̱ cue' xe̱zr la xu ca'.