SAM 47:1-8

¹Ginu aminu kuupbam apbakngake katakza wesinong. Bakngake ginda asainggamatake kaau pangenawan kuwan taike Anututane umana aknga yatangenatnong.

²Dasingge, ninda Buyambam tapae asiknga gwautnim. Buyambamtapa waapa enane siknga yuak. Ita kingu tupantapa yuke aminbamu kepna kepna yuaingu kakuya tasinggak.

³Ita dongu kundutane umana kuupbam sandepakepuke pasiwan ninu enane yuamang. Ngan, ita tasiwan dongu kundu ninde gepbiatang koyuaing.

⁴Anututa keu komdu yawan yuwan ninde gwa nimukut. Ninu Jekopdane donga, Anututa musip gwaangu ninde natanimunggak. Siwan keu waomde apbakngake yuamang.

⁵Anutu yotna yekaune gwa kopbut. Sike tapduu Buyambam tapata wa kopbut gwene aminu apbakngake kumzang ainggamatake pumu kuut puyapbing.

⁶Ayok, ninda kau pangenake taike Buyambam tapatane umana yatangenatnim. Ninda nisane kingu waapae apbakngake kau tainim.

⁷Dasingge, Anutu king siknga yuke kepna kepna kuupbam kayuak. Ninda unzingge kau taike umana aknga ayatangenatnim.

⁸Anutu king siknga yuke dongu aminu kuupbam kayuak. Ita king kapa ge inane sia king dakanane pukwike yuak.