Text copied!
CopyCompare
Maaron Saveeŋ Tooni Patabuyaaŋ - Mbouŋ To Yes Israela - Mbouŋ To Yes Israela 47

Mbouŋ To Yes Israela 47:1-8

Help us?
Click on verse(s) to share them!
1Mbouŋ to yes Kora Yam nughmariŋ, tintinmim ve aposai nimamim! Yam asov ayoor Maaron eeza, ve ambou mbouŋ to apakuru!
2Pa Yoova, i Maaron Tiina Tau Iliiv Zimaronŋa Tisov. Aroi pani ve ataghon ŋgar tooni. Onoon kat, i kinik tiina. Tamtamon tisov to taan tileep ila i saamba.
3I itatan nugh nugh, ve ighur zi tileep ila sambamai. Yes tau tiwataghi mako na, i irav zi tizi, ve nivaghaaz zi ila aghemai saamba.
4Iit siŋ to Yakop, Yoova loolo igheen toit kat. Tauta irav motin taan sirivu, ve igham pait imin leen motot. Iit tintiniin ve tapakur ghiit pa taan tau i igham pait.
5Maaron izala niia to ghamuuŋ pooz ve ileep ta sewe. Tauvene tavuur itaŋtaŋ, ve tamtamon tisirsir toman lolozi poia.
6Ambou, ambou! Ambou ve apakur Maaron! Ambou ve apait kinik toit eeza!
7Pa Maaron, i kinik tiina. Tamtamon tisov to taan tileep ila i saamba. Tauvene ambou mbouŋ to apakuru!
8Maaron ileep ila niia patabuyaaŋ to ghamuuŋ pooz, ve iŋginŋgin nughmariŋ. Tamtamon tisov tileep ila i saamba.

Read Mbouŋ To Yes Israela 47Mbouŋ To Yes Israela 47
Compare Mbouŋ To Yes Israela 47:1-8Mbouŋ To Yes Israela 47:1-8