Salmo 47:1-8

¹Dakayo amin ay nanasyon, mantampok kayo si ragsak yo. Ipigsa yon kanta yo ay mangidayaw en Diyos Apo.

²Tan si Diyos ay Kangatoan et kaeegyat sisya, manakabalin ay ari isnan intiro ay daga.

³Inpaabak nan dakami din nanasyon et inturayan mi.

⁴Pinili na para en dakami nan daga ay pantean mi. Siya na di it-it-ek mi ay daga, dakami ay polin Jacob ay laylaydena.

⁵En tinmokdo si Diyos sin trono na, madnge di tanggoyob ay napigsa. Bomanogaw abe din ipogaw na ay mangipaammo sin nangabakana.

⁶Mankanta kayo ay mangidayaw en Diyos Apo, idayaw yos sisya ay ari tako.

⁷Tan sisya di mangituray sin intiro ay daga, isonga dayawen yos sisya babaen si kankanta.

⁸Tinmotokdo si Diyos sin nasantoan ay trono na. Din nanasyon et iturayana.