Taalie 1:10-27

¹⁰N ma di, i naxa tin yunubitɔɛe xa i ratantan.

¹¹Xa e a fala, «Bira muxu fɔxɔ ra, won xa sa kira madɔxɔ mixie bɛ, won xa e faxa, won xa gantanyi te mixie bɛ naxee mu fefe rabaxi won na,

¹²Won xa e xun nakana, alɔ gaburi a rabama ki naxɛ mixie ra naxee sigama aligiyama.

¹³Won fama naafuli sɔtɔde na kui, won ma banxie rafema nɛ se fanyie ra.

¹⁴Lu muxu ya ma alako i xa nde sɔtɔ, won ma kɔbiri malande xa findi keren na.»

¹⁵N ma di, i naxa bira na mixi mɔɔli fɔxɔ ra, i naxa lu na kira xɔn ma,

¹⁶barima e fe ɲaaxi nan tun nabama, e gbataxi mixi nii bade.

¹⁷Gantanyi mu tema xɔni ya xɔri,

¹⁸kɔnɔ e tan gantanyi tema e yɛtɛ kan suxuse nan na. E e yɛtɛ nan nii bafe e yɛtɛ ra.

¹⁹Birafe geeni tinxintare fɔxɔ ra, nun mixi nii bafe, na kira mɔɔli findima gantanyi nan na.

²⁰Xaxilimaya xili tima kira xunyie ra, a a xui raminima taa malandee.

²¹A xili tima ɲama tagi, a wɔyɛnma taa sode dɛe ra.

²²A naxɛ, «I tan xaxilitare, i birama xaxilitareɲa fɔxɔ ra han mun tɛmui? Mixi mayelee yoma mixi ma han mun tɛmui? Xaxilitaree fe kolonyi xɔnma han mun tɛmui?

²³Wo gbilen fa ra n ma marasie ma. N na n xaxili luma nɛ wo ma, n fahaamui fima nɛ wo ma n ma masenyi xa fe ra.

²⁴N bara wo xili, kɔnɔ wo mu n ma xili ratinxi. N bara n bɛlɛxɛ itala wo bɛ, kɔnɔ wo bara tondi.

²⁵Wo to bara tondi n ma marasie birin na, wo to mu tinxi n ma sɛriyɛ ra,

²⁶n fan fama nɛ yelede wo ma wo xa tɔɔrɛ kui. Gaaxui na wo bɔɲɛe ramini a i, n mu wo malima fefe ma.

²⁷Gaaxui fama nɛ wo lide alɔ turunnaadɛ foye, tɔɔrɛ fama nɛ wo suxude alɔ foye xungbe. Na tɔɔrɛ nun kɔntɔfili na wo li tɛmui naxɛ,