Sam 52:1-7

¹(Keke kinera te Devita si hie sipu la koe Saula se Doeqi sa tie Edomu meke tozi nia sa sapu e Devita si la koe Ahimeleki sa hiama pa Ipi Hopena.) Kei, agoi na tie varane, na vegua ke vahesi pule nigo si goi koari na mua tinavete kaleadi, Sa tataru nabuna te Tamasa si koa hola ninae rane.

²Doduru rane si balabala ia goi si pude ṉoṉovala la koari kaiqa. Sa meamu si ṉaru guana reza, va podopodoe koha si goi doduru rane.

³Qetu nia goi sa kinaleana hola nia sa lineana, sa kinohakoha hola nia sa hinokara.

⁴Agoi na tie marikokohamu, qetu nia goi si pude va sigiti i bulodi sari na tie koari na mua zinama.

⁵Ba kaqu huara ilasigo e Zihova si goi ninae rane. Kaqu vagi panigo sa Tamasa si goi koasa mua popoa soti, meke kaqu vala nigo Sa koasa vasina tadi na maqomaqodi rina tie matedi.

⁶Kaqu dogoria rina tie toṉoto sapu gua asa, meke matagutu dia, meke kaqu hegere nigo rini si goi, meke zama,

⁷“Ai, dotu sa tie sapu lopu hiva kalavarae koe Tamasa pude tava sare, ba raṉei sa sari nana tinagotago sokudi. Sa nana ṉiniraṉira si mae guana koasa nana ṉinovaṉovala pa tie,” gua si arini.