Pesalem 52:1-7

¹O ŋaclaisêga aôm, kotoc taôm sa nêm secŋa kêtu ageŋŋa. Anôtônê têtac gêwiŋ teŋgeŋŋa gêc gedeŋ tôŋgeŋ.

²Aôm kalomtêna, taêm gêjam imbêlam ŋabiŋgêga e wai-waiôma.

³Aôm têmtac gêwiŋ sec kêlêlêc ŋajam su ma têmtac gêwiŋ biŋ dansaŋ kêlêlêc biŋŋanô su.

⁴Aôm imbêlam dansaŋ. Têmtac gêwiŋ biŋ alôb-alôb ŋaôma.

⁵Amboac tonaŋ Anôtô oc enseŋ aôm su ônaŋa samucgeŋ. Eŋ oc êtiŋ to enseŋ aôm su aŋga nêm beclêlôm ma oc êkip aôm sa aŋga lau mateŋ jali nêŋ gamêŋ.

⁶Lau gêdêŋ oc sêlic e têtêc tauŋ ma sêômac aôm gebe

⁷“Kec, alic ŋac tônê kêkêŋ Anôtô kêtu nê lamu atom. Kêkêŋ gêwiŋ nê awa taêsam ma gêjam kauc gebe sec êpuc eŋ tôŋ.”