A Umana Kakailai 52:1-7

¹Kai nina i lue ra kakailai; a mari na kakailai kai David, ba Doeg ra te Edom i ga vana ma i ga ve Saul dari: David i ki ta ra kuba i Akimelek. U langlang dave ta ra varpiam, u a rangrang? A bala na varmari kai God i tur tukum.

²U nuk pa ra vinirua upi una varvai tana, U da ra varvarkaka i mangi tuna, u varvartuam.

³U mainge ra kaina ma pa u mainge ra boina; U mainge ra vaongo, ma pa u tatike ra takodo na tinata. Sela.

⁴U vatavatang ra tinata na vangangap, U ra tena vaongo!

⁵God na vamutue u bula ma pa na mutu. Na kinim vake u ma na rubat vue u kan ra kubam, Ma na rubat vue u kan ra gunan kai ra umana launa. Sela.

⁶A umana tena takodo diat a gire ma diat a burut, Ma diat a nonganongone, ma diat a biti dari:

⁷Ea, go ra tutana pa i ogogabut tai God; I nurnur uka ta kana pepeal tabarikik, Ma i vapadikat ia mulai ta kana varngu.