Sam 3:2-8

²Sokudi rina tie pu zamazama nau si zama, “Lopu kaqu toka nia Tamasa si asa,” gua!

³Ba Agoi Zihova, si na qua lave doduru totoso pa tinasuna; meke poni nau sa minataqara na vina lavata.

⁴Tepa va ululae la ia rau sa tinokae koe Zihova, meke va avosau Sa pa Nana toqere hope pa Zaione.

⁵Eko si rau meke puta, meke vaṉunu si rau, ba korapa kopu nau e Zihova!

⁶Lopu kaqu matagutu ni rau sari na tina na tina qua kana pu koa pa vari likohaequ.

⁷Ke Zihova qua Tamasa, tuturei mae, mamu harupau! Mu sekei isumatadi sari na qua kana, Mu pako pani livodi sari na tie kaleadi.

⁸Sa vinasare si Tamugoi Zihova tugo, sa tinamanae Tamugoi si mani koa koari na Mua tie!