Pisalem 3:2-8

²Digaula e leelee i di au boloo, “God hagalee hagamaamaa a mee.”

³Meenei Dimaadua, Goe go dogu abaaba dela e haga dagaloaha au i nia madagoaa huogodoo gi daha mo ogu haingadaa, Goe dela ne hai au gi aali, gaa hai labelaa au gi manawa maaloo.

⁴Au e gahigahi Dimaadua e hagamaamaa au, gei Mee gu hagamaamaa au mai i dono gonduu haga madagu.

⁵Au gaa moe gi lala gaa kii, gei Dimaadua e hagaloohi au i di waalooloo o di boo.

⁶Au hagalee madagu i nia hagadaumee e mana ala e haganiga mai dogu gili i nia baahi huogodoo.

⁷Meenei Dimaadua, hanimoi! Meenei dogu God, haga dagaloaha ina au! Daaligidia ogu hagadaumee huogodoo gi deai nadau mahi e daaligi au ai.

⁸Nia mogobuna o di aali le e lloomoi i baahi o Dimaadua. Mee gi haga humalia ina ana daangada.