SALMOS 3:2-8

²Miyaqui quiijtohuaj para ta amo quema techpalehuis.

³Pero TOTECO, ta techyahualohua para techmanahuis. Ta catli techhueyitlalía huan san ta catli tihueli techyolchicahua.

⁴Chicahuac nimitztzajtzili, TOTECO, para techpalehuis. Huan ta technanquili hasta campa tionitztoc nepa ipan motepe catli tlatzejtzeloltic.

⁵Yeca nimotejqui huan cuali nicochqui. Huan quema niisac, amo tleno nopantitoya pampa ta, TOTECO, techmocuitlahuía.

⁶Ama ayacmo nechmajmatise masque majtlactli mil nocualancaitacahua nechyahualose para nechhuilanase.

⁷Ximotlanana, TOTECO. Techmaquixti, ta tinoTeco Dios. Chicahuac xiquinmaquili nochi nocualancaitacahua ipan iniixayac. Xiquintlanpojpostequi nopa mosisinijca masehualme, para tlamis nochi ininchicahualis huan amo tleno huelis nechchihuilise.

⁸San ta, TOTECO, hueli titemaquixtía. Hueyi paquilistli quipiyaj nochi momasehualhua.