Sam 20:1-8

¹(Keke kinera te Devita) Mani olaṉia e Zihova sa mua tinepa koa Sa pa totoso tasuna. Mani va aqorigo sa Tamasa te Zekopi.

²Mani garunu la nia Sa sa tinokae, mae guana koasa Nana Zelepade hope. Mani garunu atunia Sa sa tinokae mae guana pa toqere Zaione.

³Mani lopu muliṉi ni Sa sari doduru mua vinariponi, meke kaqu qetu ni Sa sari doduru mua vina vukivukihi uququ.

⁴Mani ponigo Sa sari doduru gua pu hivani goi, meke kaqu va gorevura i Sa sari doduru mua minizimizi

⁵Meke kaqu velavela qetuqetu nia gami sa Mua minataqara, meke varigara qetuqetu pa vinahesina sa nada Tamasa. Mani olaṉi e Zihova sari doduru mua tinepatepa.

⁶Kamahire tu gilania rau, sapu e Zihova si va mataqara ia sa Nana baṉara ta vizatana. Olaṉa gore mae ia Sa si asa pa Nana Maṉauru hopena, meke pa korapa Nana ṉiniraṉira si tava mataqara hola si asa.

⁷Kaiqa si raṉei sari na dia totopili na hose varipera, ba gita si kalavarae koa sa Pozana e Zihova sa nada Tamasa.

⁸Kaqu tava kilasa si arini, ba gita si kaqu koa mataqara.