Salmo 20:1-8

¹Sapay koma ta patgan Diyos din kararag mo sin timpon di ligat mo. Si Diyos ay dinaydayaw Jacob, salaknibana komas sik-a.

²Manipod ed Zion sin Timplo na, padatngena koman sik-a din badang na.

³Sapay koma ta am-in ay datdaton mo yan nemnemena, malaydan koma sin animal ay mapooan ay idaton mon sisya.

⁴Sapay koma ta idawat na din laydelaydem ya matongpal am-in ay planom.

⁵Ibogaw mi di ragsak mi mo mangabak kan to, ingato mi din bandila tako ta idaydayaw mi si Diyos Apo. Sapay koma ta patgana am-in ay kararag mo.

⁶Ed wani, ammok ay pangabaken Diyos din ari ay pinili na. Ed langit ay nasantoan ay kad-ana, songbatana din kararag di pinili na, et pangabakena babaen sin panakabalina.

⁷Din odom yan mantalek da sin para gobat ay kalisa da, din odom yan mantalek da sin kabayo da, ngem datako pay yan mantalek tako sin panakabalin Yahweh ay Diyos tako.

⁸Da doy ay ipogaw et maisokba da, ngem datako pay, napigsa tako ay pomika.