Zəbur 20:1-8

¹Musiqi rəhbəri üçün. Davudun məzmuru. Dar gündə Rəbb sənə cavab versin, Yaqubun Allahının ismi səni hifz etsin!

²Müqəddəs məskənindən köməyinə çatsın, Siondan sənə dayaq olsun!

³Bütün təqdimlərindən razı qalsın, Yandırma qurbanların qəbul olunsun! Sela

⁴O səni ürəyinin istəyinə çatdırsın, Hər bir niyyətini yerinə yetirsin!

⁵Biz sənin zəfərlərinə mədh oxuyarıq, Allahımız naminə bayraqlarımızı qaldırarıq! Rəbb səni hər bir diləyinə çatdırsın!

⁶İndi bildim ki, Rəbb məsh etdiyinə zəfərlər verər, Müqəddəs səmasından ona cavab göndərər, Sağ əlinin qüdrəti onu qalib edər.

⁷Bəziləri döyüş arabaları, bəziləri atları ilə öyünür, Bizsə Allahımız Rəbbin adı ilə öyünürük.

⁸Onlar büdrəyəcəklər, yıxılacaqlar, Bizsə qalxıb dik duracağıq.