Sabóor 5:1-11

¹Mu jëm ci njiital jàngkat yi, ànd aki toxoro, di kàddug Sabóor, ñeel Daawuda.

²Éy Aji Sax ji, maa ngi àddu, déglu ma, maa ngi onk, teewlu ma.

³Sama Buur, sama Yàlla, déglul, ma ne wallóoy! Yaw laay ñaan.

⁴Aji Sax ji, ag suba, ngay dégg sama baat, suba su ne ma diis la samay dagaan, di séentu.

⁵Doo Yàlla ju safoo coxor, yaw lu bon du la daloo.

⁶Ku réy du taxaw fi sa kanam, kuy def lu ñaaw, bañ nga ko.

⁷Aji Sax ji, yaay sànk kuy fen, sib kuy bóomeek kuy wore.

⁸Man nag, sa ngor lu yaa laa saña dugge sa kër, sujjóotal sa bérab bu sell, wormaale la.

⁹Éy Aji Sax ji, wommate ma sa njekk ndaxi noon, te xàllal ma saw yoon.

¹⁰Ñii, lu ñu wax, wérul, seen xol a mébét njekkar, seenug boli di bàmmeel bu ne ŋàpp, ñuy naxe làmmiñ wu neex.

¹¹Éy Yàlla, topp leen, ñu fakktaloo seeni pexe; xalabal ñii barey moy, ñoo la gàntal.