Soũↄ 5:1-11

¹Davidi lɛ. Wì sí ń kulɛpɛaoɛ.

²Swã́kpa ma yã́i Dii, laaidↄ ma yãwaaipaawa.

³Ma Kía, málɛ wiilɛma, ma Lua, málɛ wabikɛma.

⁴Dii, ni ma yãma gufɛ̃nɛ, mi a yã́ↄ dↄdↄnɛ kↄↄ, ma wɛ́ iↄ dↄnzi.

⁵Luan n ũ, ń ye vãizio, nili gbɛ̃vãi dilɛo.

⁶Zĩakãfĩna lí e zɛ̀ n aɛo, ń za vãikɛnaↄgu píiɛ.

⁷Dii, ni ɛɛdeↄ midɛ, ń ye gbɛ̃dɛnaↄ ń gbɛ̃blenaↄ gĩyãio.

⁸Mapi má gɛ̃ n ua n gbɛ̃kɛ zↄ̃ↄ yã́i, má kúlɛ n kpɛɛlɛ mà misiilɛnɛ.

⁹Dii, dↄaamɛɛ n náai yã́i, zɛpoomɛɛ ma dã̀dãnaↄ yã́i.

¹⁰Asa an yãe náai vĩo, aaì lɛnakasa gbɛ̃́ↄnɛ. An nↄ̀sɛ dɛ lán kaadↄɛmbɛwaɛ, gbɛ̃́ ↄ̃̀ↄkpaa yã́ kↄ̃̀ ń sↄ̃u.

¹¹To yã́ zↄ̃lɛmá Lua, to aa ↄzu ńzĩa wɛ́u. Ǹ ń yá n aɛ an tàae dasiↄ yã́i, asa aa gì n yãmaiɛ.