Sabóor 59:7-16

⁷Bu ngoonee ñu wàccsi, di xiiru niy xaj, di wër dëkk bi.

⁸Déglul li ñuy yebbee ci seen gémmiñ, seen làmmiñ niy saamar, ñu defe ne kenn déggu leen.

⁹Te yaw Aji Sax ji, yaa ngi leen di ree, yaa ngi kekku yéefar yii yépp.

¹⁰Yaay sama doole, ma di la séentu, yaw Yàlla, yaay sama rawtu.

¹¹Sama Yàlla ju goree may gatandu. Moo may may ndam ci noon yi, ma gis.

¹²Yàlla, bu leen rey, lu ko moy samaw xeet fàtte. Tasaaree leen sa doole, daane leen. Boroom bi, yaa nuy feg.

¹³Bàkkaar lañuy wax, seeni kàddu, bàkkaari neen. Yal nañu bew ba daanu, yooloo ko seeni saagaak seeni fen.

¹⁴Meral, jeexal leen, jeexal leen, ba ñu jeex tàkk, ba ñépp xam ne Yàllaay Buur ci giirug Yanqóoba, ba ca cati àddina. Selaw.

¹⁵Bu ngoonee ñu wàccsi, di xiiru niy xaj, di wër dëkk bi.

¹⁶Ñuy wër di wut lu ñu lekk, su ñu suurul, di ñurumtu.