Yabura 59:7-16

⁷E fama kɔɛ ra alɔ bare xaaɲɛe e fa taa rabilin.

⁸E dɛ luma alɔ bare dɛ xunfɛ minima naxan kui. E xa wɔyɛnyi mixi tɔɔrɔma alɔ santidɛgɛma. E naxɛ, «Nde nɔma won ma wɔyɛnyi mɛde?»

⁹Kɔnɔ Alatala, i tan nan yelema e ma. I si danxaniyataree birin mayelema.

¹⁰N nan n yɛtɛ ratangama e sɛnbɛ ma i tan nan saabui ra. Ala nan na n ma kantama ra.

¹¹N Marigi Ala, naxan xa hinnɛ gbo, i xa ti n ya ra, i xa n yaxuie rabira.

¹²N Marigi, n ma kantama, i naxa e faxa keren na. I xa e rabira alako n ma ɲama naxa nɛɛmu i sɛnbɛ ma.

¹³E yunubi rabama e xa wɔyɛnyie ra. I xa e suxu e xa yɛtɛ igboɲa kui. E dankɛe nun wulee nan tun falama.

¹⁴I xa e raɲɔn i xa xɔnɛ ra, alako e naxa to sɔnɔn, alako e xa a kolon Ala nan Mangɛ ra Yaxuba bɔnsɔɛ nun duniɲa birin xun ma. Ɲɛngi rate.

¹⁵E fama kɔɛ ra alɔ bare xaaɲɛe e fa taa rabilin.

¹⁶Baree donse fenma yire birin kɔɛ ra, kɔnɔ e mu lugama.