ܡܙܡܘܪ̈ܐ 59:7-16

⁷ܗܵܐ، ܟܹܐ ܓܲܒܓܸܒܝܼ ܠܹܗ ܦܘܼܡܵܝܗ‌ܝ ܒܡܹܐܡܪܹ̈ܐ، ܕܝܼܢܵܐ ܣܲܝܦܹ̈ܐ ܒܣܸܦܘܵܬܵܝ̈ܗ‌ܝ، ܣܵܒܵܒ ܟܹܐ ܐܵܡܪܝܼ: ”ܡܵܢܝܼ ܝܠܹܗ ܒܸܫܡܵܥܵܐ؟“

⁸ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܒܸܬ ܓܵܚܟܹܬ ܒܝܼܵܝܗ‌ܝ، ܒܸܬ ܡܲܣܚܸܪܸܬ ܒܟܠܵܝܗ‌ܝ ܐܸܡܘܵܬܹ̈‌ܐ.

⁹ܝܵܐ ܚܲܝܠܝܼ، ܐܸܠܘܼܟ݂ ܒܸܬ ܣܵܦܪܹܢ، ܣܵܒܵܒ ܐܲܠܵܗܵܐ ܝܠܹܗ ܒܹܝܬ ܓܵܘܣܝܼ.

¹⁰ܐܲܠܵܗܵܐ ܕܛܲܝܒܘܼܬ‌ܝܼ ܒܸܬ ܬܵܦܹܩ ܒܝܼܝܼ، ܐܲܠܵܗܵܐ ܒܸܬ ܡܲܚܙܹܐ ܠܝܼ ܙܵܟ݂ܘܼܬܵ‌ܐ ܠܕܸܫ̃ܡܸܢܝܼ̈.

¹¹ܠܵܐ ܩܵܛܠܹܬ ܠܗܘܿܢ ܕܠܵܐ ܗܵܘܹܐ ܕܥܲܡܝܼ ܢܵܫܝܼ، ܡܲܫܥܸܫ ܠܗܘܿܢ ܒܚܲܝܠܘܼܟ݂، ܘܡܲܢܦܸܠܔ ܠܗܘܿܢ، ܝܵܐ ܡܵܪܝܵܐ ܡܵܛܵܠܲܢ.

¹²ܒܘܼܬ ܚܛܝܼܬܵ‌ܐ ܕܦܘܼܡܵܝܗ‌ܝ، ܗܹܡܸܙܡܵܢ ܕܣܸܦܘܵܬܵܝ̈ܗ‌ܝ، ܦܵܝܫܝܼ ܕܒ݂ܝܼܩܹܐ ܒܫܘܼܒ݂ܗܵܪܵܝܗ‌ܝ، ܘܒܘܼܬ ܠܵܘܛܬܵ‌ܐ ܘܕܲܓܵܠܘܼܬܵ‌ܐ ܕܟܹܐ ܗܲܩܝܼ.

¹³ܛܲܠܸܩ ܠܗܘܿܢ ܒܚܸܡܬܵ‌ܐ، ܛܲܠܸܩ ܠܗܘܿܢ ܕܠܵܐ ܦܵܝܫܝܼ، ܕܝܵܕܥܝܼ ܐܲܠܵܗܵܐ ܒܸܥܒ݂ܵܕܵܐ ܝܠܹܗ ܫܘܼܠܛܵܢܵܐ ܥܲܠܔ ܝܲܥܩܘܿܒ݂، ܗܲܠܔ ܡܲܪ̈ܙܵܢܹܐ ܕܐܲܪܥܵܐ. ܣܹܠܵܗ

¹⁴ܟܹܐ ܕܵܝܪܝܼ ܒܪܲܡܫܵܐ ܙܵܘܙܝܼ ܐܲܝܟ݂ ܟܲܠܒܹ̈ܐ، ܘܚܵܕܪܝܼ ܚܵܕܸܪ̈ܘܵܢܹܐ ܕܡܕܝܼܢ݇ܬܵ‌ܐ.

¹⁵ܐܵܢܝܼ ܟܹܐ ܚܵܕܪܝܼ ܒܵܬܪ ܡܹܐܟ݂ܘܼܠܬܵ‌ܐ، ܐܸܢ ܠܵܐ ܣܵܒ݂ܥܝܼ ܟܹܐ ܡܲܪܡܸܪܝܼ.

¹⁶ܐܝܼܢܵܐ ܐܵܢܵܐ، ܒܸܬ ܙܵܡܪܹܢ ܒܘܼܬ ܚܲܝܠܘܼܟ݂، ܘܒܸܬ ܫܲܒܚܸܢ ܒܨܲܦܪܵܐ ܒܘܼܬ ܛܲܝܒܘܼܬܘܼܟ݂، ܣܵܒܵܒ ܗܘܹܐ ܠܘܼܟ݂ ܒܹܝܬ ܓܵܘܣܵܐ ܩܵܬ‌ܝܼ، ܘܚܸܣܢܵܐ ܒܝܵܘܡܵܐ ܕܥܵܘܩܵܢܝܼ.