Yontu 59:7-16

⁷Pɑɑ tɑɑnɑɣɑ ŋkɑɣɑ pɑ kɔŋ ɩsɩɩ hɑsɩ tintiɣile. Pɑ cɑsəɣɩ kɑpusi nɑ pɑ́ cɔɔkənɑ ɩcɑtɛ.

⁸Ɩsɑɣɑtʋ sunɑ pɑ nɔɔsɩ tɑɑ təpɑm, nɑ pɑ kʋyɔɣɔtʋtʋ wɛ ɩsɩɩ lɑɣɑlɛɛ. Pɑ tɔŋ sɩ ɑwe kɑ́ nɩɩnɑ pɑ tɔm?

⁹Amɑ Tɑcɑɑ nyɑ́ woŋiɣi-wɛɣɛ, nɑ ń pɑɑkənɑ mpɑ pɑ tɑ nyɩ-ŋ tɔ pɑ tənɑ.

¹⁰Pɑɑ pɑ toŋ kɑ́ wɛɛ ɩsɩɩ cənɛ nɑ lé, Ɩsɔ nyɑɣɑlɛ mɑ kentulu.

¹¹Mɑ Ɩsɔ kʋpɑŋ n kɑ́ kɔɔ mɑ cɔlɔ, nɑ ń hʋlɩ-m mɑ kolontunɑɑ nɑ pə́ wɑkəlɑ-wɛ.

¹²Tɑɑ kʋ-wɛɣɛ lɔŋ, nɑ pə́ kɔɔ nɑ mɑ yəlɑɑ sɔɔ nyɑ́ toŋ tɔɔ. Amɑ ciɣiti-wɛ nɑ toŋ ɩlɛnɑ ń pɛtɩ-wɛ. Tɑcɑɑ, nyɑɣɑlɛ tɑ́ kʋkentuɣu.

¹³Pɑ́ kulɑ pɑ nɔɣɔ tɔɔ te, pɑ wɑkələnɑ-ŋ kɛ́. Pɑ mɑɣɑmɑɣɑ pɑ kɑlɑmpɑɑnɩ kɑtɔkɑ ɩ́ kpɑ-wɛ. Mpi tɔ, kʋtʋɣʋ nɑ kɑloolɑɣɑ tike kɛ pɑ lɑkɩ.

¹⁴Kpiisi-wɛ nɑ pɑ́ɑ́nɑ́ nɑ pɑ́ tɑɑ tɑsɑ-wɛɣɛ nɑʋ. Ɩlɛ ɑntulinyɑ tənɑ kɑ́ nyɩ sɩ Ɩsɔ Sɔsɔ wɛ Ɩsɛɣɛlɩ tɑɑ.

¹⁵Pɑɑ tɑɑnɑɣɑ ŋkɑɣɑ pɑ kɔŋ ɩsɩɩ hɑsɩ tintiɣile. Pɑ cɑsəɣɩ kɑpusi nɑ pɑ́ cɔɔkənɑ ɩcɑtɛ.

¹⁶Nɑ pɑ́ pɛɛkəɣɩ pɑɑ timpiɣi tɔɣɔnɑɣɑ. Pɩɩ tɑkɩ-wɛɣɛ teu ɩlɛnɑ pɑ́ sʋʋ mɔlɑ.