Sabóor 41:3-12

³Aji Sax jee lay aar, di sàmm sa bakkan, nga jagoo barke ci réew mi, te du la bàyyi noon def la lu ko neex.

⁴Aji Sax jee lay dooleel soo woppee, di soppi bu baax sa tëraay.

⁵Dama ne: «Aji Sax ji, tooñ naa la; baaxe ma, faj ma.»

⁶Noon yaa ngi may yéene lu bon, naan: «Xanaa kii du dee, ba ñu fàtte ko?»

⁷Ku dikk, di ma seet, di jinigal tey fenti sos ci xolam, bu génnee, tasaare ko.

⁸Bañ yépp a ngi may déeyoo, di ma fexeel lu bon,

⁹naan: «Musiba dal na ko, du jógati!»

¹⁰Sama am-di-jàmm bu ma wóolu sax jógal na ma, te daan lekk samaw ñam.

¹¹Waaye ngalla Aji Sax ji, baaxe ma, yékkati ma, ma fey leen.

¹²Su noon damuwul ci sama kaw, ma doora xam ne bége nga ma.