Pesalem 41:3-12

³Eŋ embe êmac jaoŋageŋ ênêc, Apômtau oc ênam malô eŋ. Aôm gôjam ênê gêŋwapac samob ôkwi kêtu gaô.

⁴Aê kasôm gebe “O Apômtau, taêm labu aêmaŋ. Ômoasiŋ ŋoc katuc gebe aê gagôm geo gêdêŋ aôm.”

⁵Ŋoc soŋo-soŋo sêjac jatu aê gebe “Êndêŋ ondoc eŋ oc êmac êndu ma nê ŋaê ênaŋa.

⁶Teŋ embe êtu ŋacleŋ aê êmêŋ, oc êsôm biŋ dansaŋ. Nê ŋalêlôm ênac biŋ sec-sec sa, gocgo êsa awê naêsôm lasê.

⁷Êsêac samob, taŋ nêŋ ŋalêlôm kêmoatiŋ tôŋ kêtu aêŋa naŋ, sêjac biŋ kesec-kesec kêtu aêŋa. Êsêac taêŋ gêjam biŋkalom kêpi aêgeŋ gebe

⁸“Eŋ ŋac tobiŋ kaloŋ-kaloŋ sec, teŋ embe ênêc amboac tonaŋ, oc êndi sa êtiam atom.

⁹Ŋoc ŋac mêŋbaŋ, taŋ ôlic andaŋ eŋ ma geŋ mo aŋga aêŋoc naŋ, tec kêkac akaiŋ sa gebe êka aê.

¹⁰O Apômtau, taêm labu aê ma ônam aê sa êtiam, go jakêŋ ŋagêjô êndêŋ êsêac.

¹¹Ŋoc ŋacjo embe ôli êpi-êpi êtu aêŋa atom, go aê jajala gebe aôm gôlic aê ŋajam.

¹²Aôm gôjam aê sa kêtu ŋoc biŋ masigeŋŋa ma kôkêŋ aê kakô aôm laŋômnêmŋa gedeŋ tôŋgeŋ.