Psalms 41:3-12

³Tom nuna kuera ikes ago bagamon mu nu nunga sanguk se nungemonko.

⁴Ani iwita Yawe aru manem, “Ani ni kema te memek beterem, bare gemang aisu ale kuera ikes ewere siwu waruko.”

⁵Kager kari memek nongomang memek karogo iwita ago ko balsan, “Nu yam kua namaruk se nup mena namarukko,” ma balsan.

⁶Tom nuna ani agarkamonko taisan, mu nuguring guang te agarak wosengasan, bare nongomang motam mu kigilik aniso; se namasan mu kariimet biya ningi aga balu maguwusan.

⁷Aga kager kari memek bolala awusan ale abiring ko kasikasisan; nuna balsan, “O memek biya taukkowo!” masan.

⁸“Kuera ikes memek nunguningkiri iluwam, se me ta nungerukkowo!” ma balsan.

⁹Aga yawara, aga ilup se isirek, ani nu ilak am suanta, mel katirta wete nasan, bare buring gurugu aisam tala.

¹⁰O Yawe, gemang aisu ale aga sangaru se ani nunga memek koma bita nungarikko!

¹¹Tom kager kari memek kager te me aga kiasan mu te, ani ikisam mu ni aninga kuesam.

¹²Ani kiwem memek bo me beterem, buta se ni aga sangorsam; se ani ni kema te baga se lagarikko.