1KAPINA Ieowa, pwe i me mau, pwe a kalanan pan potopot eta.
2Ij me kak inda duen dodok manaman en Ieowa, o ij me kak kapina japwilim a dodok kajapwal?
3Meid pai, me kolekol me pun, o me kin wiada me pun anjau karoj!
4Main Ieowa, kom kotin taman ia da duen ar kalanan, me kom kotin inauki on japwilim omui aramaj akan, kajanjale don kit omui jauaj!
5Pwe i en kilan pai en japwilim omui pilipildar akan o peren kidar peren en japwilim omui aramaj akan, o kapina ian omui jojo.
6Kit ian jam at oko wiadar dip, je wiadar japun, je kawelar kujoned o kapwaiada tiak en me pun kan.
7Jam at akan nan Äkipten jota injenoki japwilim omui manaman akan, pwe re jota tamanda omui kalanan lapalap, o re katiwo on me lapalap o ni kailan madau ni jed waitata.
8Ari jo, a kotin dore ir ala pweki mar a, pwen kajaleda a manaman.
9A kotin majani on jed waitata, ap nalanaledier; o a kotin kalua irail waja lol dueta jap tan eu.
10Iduen a kotin dore ir ala jan nan pa en me kailon kin ir, o a kotin jauaja ir jan nan pa en imwintiti;
11Pil kadupaledi arail imwintiti kan, jota amen pitila.
12Irail ap kamelele a majan akan, o kaul en kapin on i.
13A re pil madan monokelar a wiawia kan, o re jota auiaui a majan.
14Irail dire kila inon jued, ap kajonejon. Kot nan jap tan,
15Ap kotin mueid on injen arail, o kotiki on ir, lol ar lao juedala.
16Re ap kanudi on Mojej nan deu ’rail, on Aron me jaraui en Ieowa men.
17Jap ap jar pajan katalala Datan, o pur penan pon pwin en Apiram.
18O kijiniai eu kamajikada nan pun en arail pwin, umpul en kijiniai eu karonalar me doo jan Kot akan.
19Re wiadar kau pul amen ni Orep, o dairukedi jan mon kilel kold eu.
20O re kawilianeki arail linan kilel en kau ol amen, me kin kankan rä.
21Re monokelar Kot, arail jaunkamaur, me kotin wiadar dodok lapalap nan Äkipten.
22O manaman akan nan jap en Am, o men kamajak ni jed waitata.
23I ap kotin kupukupura, me a pan kame ir ala, ma Mojej japwilim a pilipildar amen jota pan pukoki dip arail, pwen kotiki wei jan japwilim a onion, pwe ren der mela.
24A re mamaleki jap kajelel, o jota kamelele a majan kan.
25O re lipaned nan im arail, o jota peiki on majan en Ieowa.
26I ap kotin kaula on ir, me a pan kame ir ala nan jap tan.
27O kadaudok ar en wowokidi nan pun en men liki kan, o kamueit ir pajan nan jap akan.
28O re wuki on Pal-Peor, o kanala kijan mairon en ani mal.
29O re kupur jued kin i ar wiawia kan, kalokolok eu ap lel on ir.
30Pineaj ap kotida, kadeik irail ada, kalokolok ap imwijokalar.
31Mepukat me a wadekida ni pun, jan eu kainok lel eu kokolata.
32O re kupur juede kin i ni pil en Meripa, i me irail kareki on Mojej apwal laud.
33Pwe re kapataui nen i, ap kotin japunala ekij ni a majan kan.
34Re jota pil kanikiala wei kan, me Ieowa kotin majani on ir.
35O re dolola men liki kan, o padakki arail tiak kan.
36O re kaudoki on arail dikedik en ani kan, rap wialar injar arail.
37O re maironki on tewil jued akan nairail putak o jeripein kan.
38O re kamelar mal aramaj, iei udan nair putak o jeripein oko, me re maironki on ani mal en Kanaan, a jap o kajamin kila nta.
39O re kajamine kila pein irail ar wia kan, o nenekki ar dodok jued.
40Ieowa ap kotin onioni on japwilim a aramaj akan o kotin juedeki japwilim a jojo.
41A kotin mueid on ir nan pa en men liki kan, o me kailon kin ir, wialar ar kaun.
42O ar imwintiti katoutoui ir, o re namenokalar pan pa ’rail.
43A kotin dore ir ala pan pak toto, a re duedueta ni ar inon jued o madamadaua, o re malaulau kilar ar japun.
44A a kotin ireron ar kan kaneraner, ni a kotin ereki ar weriwer.
45O a kotin tamanda japwilim a inau, o a kotin kalukila duen a kalanan lapalap.
46O a kotin maki on ir mon karoj, me jali irail weier.
47Ieowa at Kot, kom kotin dore kit ala, jan ren men liki kan, pwe kit en danke mar omui jaraui o japwilim ar dodok mau kan.
48Kapin on Ieowa, Kot en Ijrael, jan maj kokodo o pil kokolata! O aramaj karoj en inda: Amen, Aleluia!
